My Blog List

Wednesday, 15 August 2012

ඉරට හඬන මිනිස්සු...!


ඔයාලට මතකනෙ මම කලින් මගෙ පෝස්ට් එකක දැම්ම අපේ ගේ අවට හිමෙන් වැහිල තියන පොටෝ එකක්? ඒ පොටෝ එක මේකෙ පලකරන්න බොහොම කලින් ඉඳන් මම මගෙ යාලුවන්ට කියල තිබුන, හිම නිසා මම විතරක් නෙවේ මෙහෙ අනිත් මිනිස්සු විඳින දුක් කරදර ගැන..ඒ ගැන වැඩි විස්තර මෙතන ආයෙමත් ලියන්න අවශ්‍ය නැහැ..මම ම ලිස්සල වැටිල අත් කකුල් කොන්ද කීපාරක් කඩාගත්තද කියල මම කියල ඇති..අන්න ඒ කරදර මතක් වෙලයි ඒ පොටෝ එක පල කලේ එතන මගෙ යාලුවන්ට බලන්න..හැබැයි ඉතින් ඕක දැකල සමහරු මට මඩ ගහල තිබුන..හහ්..හහ්..හා මට හෙන සතුටුයි ඒ ගැන.(ඇයි කියල අහන්න එපා ඒක ඕනෙ නැහැ.)අපි මාතෘකාවට අදාලව කතා කරමුකො..

ඉතින් ඒ පින්තූරෙ ඔයාල දැක්ක විදියට කිරිසුදු පාට හිම ලෝකෙකට වෙලා,ශීතලේ ගැහි ගැහි වලස්සු වගේ,ගෝනිබිල්ලො වගේ පොරව ගෙන,අවුරුද්දේ වැඩිම මාස ගානක් හිරු එලිය නොදැක ජීවත් වෙන මේ මිනිස්සු....ඒ කාලෙට යාන්තම හරි ඉර පොඩ්ඩක් දැකපු මොහොතකට..යාන්තම් අව් රැල්ලක් පොලවට වැටුන දවසට සතුටින් උඩ පනිනවා......
අනේ මාත් එහෙමයි...
උදේ පාන්දර ඉඳන් රෑ වෙන තුරු වට පිටාව හැමදාම අඳුරු පාටයි (අළු පාටයි.)ශීතලයි..වැස්සයි..සුළඟයි..එක දවසකට වතුර වහිනව..තවත් වෙලාවකට දවස් 2..3..4. සමහර විට ඊටත් වඩා එක දිගටම නොනවත්වාම හිම වහිනව...
ඔය අතර උදේ පාන්දර නැගිටල ජනෙල් අරිනකොට කලාතුරකින් දවසක ඉර පායල තියනව දැක්කොත් හැමෝම වගේ මාත් කෑගහනවා..." අම්මේ...ඉර පායල අම්මේ..අනේ බලන්නකෝ අද ඉර පායලා.."

මෙහෙ මිනිස්සු කවුරුත් ඉර අව්වට හරිම පෙරේතයි..හිරු එලිය නැතුව දුක් විඳිනවා...කොච්චර සල්ලි සැප සම්පත් ලස්සන ජීවිත තිබුනත් එයාලට හිරු එළිය මහා ගොඩාක් වටිනවා..." අද නම් හරීම ලස්සන දවසක්." කියල මේ මිනිස්සු කියන්නෙ ඉර පායපු දාට..ඒ විතරක් නෙවේ දුර ඈත ඉන්න නෑයින්ට යාලුවන්ටත් කතා කරල මෙයාල කියනව "අද අපිට ඉර පායල හරිම ලස්සන දවසක්." කියල.........

ඉතින් මේ ශීතලේ ගැහි ගැහි හිම වැහි අතර මාස 10 ක් එක දිගට අපි වැඩ කරන්න ඕනෙ..ඊට පස්සෙ ජූලි අගෝස්තු මාස දෙක තදින්ම ඉර අව්ව වැටෙන කාලෙ..කාටත් සමර් නිවාඩු ලැබෙනව..ඒ සුලු කාලෙ දවසක් වත් අපතේ නොයවා මෙයාල හිතේ හැටියට විනෝද වෙනවා ඉර අව්වෙ...

මම ගොඩාක් ලියන්නෙ නැහැ...මේ පහල තියන පින්තූර වලින් බලන්න ඊට වඩා කතාවක් තියේවි...
ගොඩාක් ලං කරල ගත්ත පින්තූර පල කරන්න බැරිවීම ගැන සමා වෙන්න ඕනෙ..

ජාති ආගම් කුලභේද නැති,උස් පහත් උගත් නූගත් කියල වෙනසක් නැති,දුප්පත් පෝසත් මිනිස්සු ඔක්කෝම එකට එකතු වෙලා..වලි නැහැ..මඩ නැහැ..!!  කවුරුත් එකා වගේ බලන්න මේ ඉරට හඬන මිනිස්සු..!!!!





Wednesday, 1 August 2012

මෙන්න ලෙඩෙක්...!!

වින්චැට් කිරිල්ලි නමින් මගේ ප්‍රොෆයිල් පින්තූරය දමාගෙන ඒ හා සමානවම ප්‍රොෆයිල් එකකින් පැමින අසංවර කුනුහරුප කොමෙන්ට්ස් දමමින් එක්තරා අසනීපයක් සුව කර ගැනීමට තැත් කරන පුද්ගලයා ගැන අවධානයෙන් සිටින ලෙස ඔබ සැමට මෙයින් දන්වා සිටිමි..!


මෙම පුද්ගලයා මෙම වංචාකාරී ප්‍රොෆයිලය හදාගෙන ඇත්තේ මගේ නම කැත කර මට මඩ ගසා මාව බ්ලොග් අවකාශයේ අපකීර්තියට පත්කිරීම සඳහායි...


2012 මැයි මාසයේ අරඹා ඇති මෙම ප්‍රොෆයිල් එක භාවිතා කොට මොහු කොපමන වතාවක් මගේ නම විකුනා තිබේදැයි නොදනිමි..අද දින ''සෑම්'' ගේ බ්ලොගයේ අලුත් පොස්ට් එකේ මොහු මගේ නමින් කොමෙන්ටුවක් දමා තිබී මට හමු විය.මොහුගේ ප්‍රොෆයිලය මගේ බ්ලොගය සමග 'රීඩිරෙක්ට්' කොට ඇත....

Monday, 30 July 2012

සිගරට් එකක් බොමුද..?





අලුත් පෝස්ට් එකක් ලියන්න කිහිප වතාවක්ම උත්සහ කලත් මොකක් හරි බාධාවක් වෙනවා..මේ ජූලි අගෝස්තු මාස දෙකේ කිසිම වැඩක් පිළිවෙලකට සංසුන් හිතකින් කර ගන්න බැහැ කවදත්..එකක් ගින්දර වගේ රස්නෙ,අනික සමර් නිවාඩු ගන්න නිසා වෙනදට වඩා දෙගුනයක් වැඩ කරන්න වෙනවා..කරුවල (කලුවරද මන්ද.)එන්නෙ රෑ 10 පහුවෙලා..ඉතින් වැඩ ඇරිල ඇවිත් අපි එලියෙ ඇවිදින්න යනව..බොහෝ දුරට රෑට කන්නෙත් එලියෙන්..ඉතින් ගෙදර ආවාම පුදුම මහන්සියක්..ලියන්න දෙයක් ඔලුවට එන්නෙම නැහැ..ආවත් වචන මතක නැහැ ගලප ගන්න...ඉතින් මට තව දවස් 15 ක් හෙට අනිද්දට නිවාඩු ලැබෙනවනෙ එතකොට දිග පෝස්ට් එකක් ලියන්නම්..එතකම් බලන්න මේ අමුතු සිගරට්ස් මොනාද කියල...........




මම අවසන් වතාවට ලංකාවට ආවෙ 2008 අවුරුද්දෙ නත්තල් කාලෙ..එදා මෙදා තුර ලංකාවෙ සාප්පු වල තියන අලුත් අලුත් බඩු,අලුත් නිෂ්පාදන ගැන මම දන්නෙ නැහැ ඔන්න..ඒ නිසා මේ දේවල් ඔයාලට අමුතු දේවල් වෙන්න බැහැ සමහර විට..ලංකාවෙ වෙළඳ පොලෙත් මේවා ඇති මම හිතන්නෙ..අපි බලමු.




මට සිංහල බර වචන ලියන්න බැහැ. ඒ නිසා මට පුලුවන් විදියට මේ කතා කරන භාශාවෙන් පැහැදිලි කරන්නෙ, සොරි හොඳේ..
මේවා දැනට නිෂ්පාදනය කරල තියන අලුත්ම සිගරට්ස්.!!
මේවා ඉලෙක්ට්‍රොනික්ස්..!!
දුම්පානය කරන එහෙමත් නැත්නම් දුමට ඇබ්බැහි උන අයියල,අක්කල,මල්ලිලා, කාට කාටත් ඒ වගේම වැඩිහිටි අයටත් වෙන් වෙන් වශයෙන් මේව නිපදවල තියනව..ලාවට දුම් බොන අයටත්..ඉතා තදින්ම ඇබ්බැහි උන අයටත් ඔබින විදියට,ගෑනු පිරිමි අයට සුදුසු විදියට,ඕනම පාටකින් ඕනම මෝස්තරයකින් මේවා මිල දී ගන්න පුලුවන්..
ඒ වගේම මේවා සිගරට්ස් විතරක්ම නෙවේ සුරුට්ටුත් තියනවා මෙන්න මේ වගේ...




මේ සිගරට්ස් වල විශේෂත්වය තමා, මේවා  ''ශරීරයට අහිතකර නොමැති වීම''.
අපි දන්න දකින සාමාන්‍ය සිගරට් එකකින් ලැබෙන දුම්බීමේ තෘප්තිය බිඳක්වත් වෙනස් නොවී එලෙසින්ම මේවයින් ලැබෙන අතර,ශරීරයට කිසිම අයුරක අහිතරකර තත්වයක් අනතුරක් වෙන්නෙ නැති බවට නිශ්පාදකයො සහතික වෙනව..
ඔය පින්තූර වල පේන විදියට මේවා නොයෙක් පාට වලින් වෙනස් මෝස්තර වලින් නිපදවල තියනවා.හරිම ලස්සන හිත් ඇදගන්න ඇසුරුම් වල එන්නෙ එක ඇසුරුමක සිගරට්ස් දෙකක් බැගින්..මේ සිගරට්ස් එකක් මාස 6 ක් නොකඩවා පාවිච්චි කරන්න පුලුවන්.මේවා ඇතුලෙ තියන පුංචි ෆිල්ටර් එකකට විශේෂ දියරයක් පුරවන්න ඕනෙ පාවිච්චියට කලින්..ඒ දියරයත් පුංචි ලස්සන කුප්පි වල එනව අපූරු ඇසුරුමක.....




මේවල මුල් නිෂ්පාදකයො තමා චීනය...ඉතින් එයාල අපේ අසල්වැසියො නිසා මේවා අපේ රටේ නැති වෙන්න බැහැ කියලයි මට නම් හිතෙන්නෙ..දුම් පානයෙන් කාව හරි මුදව ගන්න එක ලොකු පිනක්..!!


දුම් පානයට ඇබ්බැහි උන ඔයාල ආදරේ කරන කාටම හරි,අයියලාට අක්කලාට තාත්තලාට නැත්නම් පෙම්වතාට එයාලගෙ ජීවිතේ විශේෂ අවස්තාවකදි තෑග්ගක් වශයෙන් පිරිනමන්න මේක හරිම ෂෝක් බඩුවක් නේද??? :) :) :)

Monday, 16 July 2012

නයෙක්ද මන්ද.....

        YEAH  HA...!!!!!


මුලින්ම මේ රතු රෝස මල් පොකුර මගේ ආදර දයාබර මිතුරු මිතුරියන් පිරිසට......!!


හේතුකාරනා දෙකක් මත.....එකක් කිසිම සද්දයක් තොරතුරක් නැතුව කිරිල්ලි හැංඟිලා උන්නට සමාවෙන්න කියන්නයි..අනික කිරිල්ලි නැති අතරෙ බ්ලොග් එකට කොමෙන්ට්ස් 64 ක් එවලා..මූණුපොතෙන්,මේල් වලින් පණිවිඩ මහා ගොඩාක් එවල..කිරිල්ලිට ඔයාල පෙන්වපු ඔයාලගෙ ආදරෙයි ලෙන්ගතු කමටයි කිරිල්ලි හදවතින්ම ස්තූතියි කියන්නයි....!!


අවංකවම මහා ගොඩාක් ස්තූතියි..! ඔයාල වගේ බුද්ධිමත් කොල්ලො කෙල්ලො ටිකක් ඇසුරු කරන්න ලැබීම මගේ තවත් වාසනාවක්..!!


ඉතින් මම ඔයාලගෙන් කීප දෙනෙකුට කිව්වනෙ මට 30 වෙනිද ඉඳල දවස් 15ක් නිවාඩු කියල..කිසිම අයිඩියා එකක් තිබ්බෙ නැහැ නිවාඩුවට මොකෝ කරන්නෙ කියල..මොකද මට විතරනෙ නිවාඩු අම්ම වැඩ...එදා 1 දින මම අලුත් පෝස්ට් එකක් ලියන්න හැදුව විතරයි අම්ම කිව්ව යමු අයියලව බලල එන්න කියල..එතකොටයි මට මතක් උනේ ලොකු අයියගෙ උපන් දිනේ පහුවදා බව..(අයියල දෙන්න ඉන්නෙ වෙන රටක..මමත් කලින් උන්නෙ එයාල එක්ක එහෙ, මගෙ පලමු ජොබ් එකට 
ගිහින්.)ඔන්න 1 දින රෑ අපි පිටත් උනා..පහුවදා ආපසු එන්න හිතන් ගිය ගමනක් නිසා මගෙ ලැපීව අරන් ගියෙ නැහැ..
ඉතින් පසුවදා හරිම අනපේක්ෂිත දෙයක් සිදු උනා මම හීනෙකින්වත් නොසිතපු...ලොකු අයියගෙ උපන් දිනේට කාගෙදෝ ගෙදරක සාදයක් සූදානම් කරල තිබුනා..අපිට එහෙ යන්න සිදු උනා..ටිකක් දුර නගරයකට..එයාල සිංහල පවුලක්,අම්ම තාත්ත,උස හැන්ඩි කොල්ලෙක්.:D:D..ලස්සන හීනි උස කෙල්ලෙක් අපිව මහ ඉහලින් පිළිගත්ත කියමුකො..!.ඊට පස්සෙ ලොකු අයිය අර හීනි කෙල්ලව අපිට හදුන්වල දුන්න 'එයාගෙ ආදරණීය අනාගත බිරිඳ' කියල..කෙළියයි මහ රජ..!! කිව්වලු......මතකද මගෙ ''පොහොරියි මමයි''?? ආන්න ඒකෙ පොහොරිවයි පැටව් ටිකයි දැක්ක වෙලේ වගේ මගෙ කට ඇරුනා..ඇස්දෙක ලොකු උනා....!! අවුරුදු ගානක ඉඳන් මගෙ හිතේ තිබ්බ හීනයක් සැබෑ උනා වගේ සතුටක් දැනුන මට..අනේ මටත් දැන් මගේම කියන්න අක්කියෙක් ඉන්නව..ලස්සන අක්කියෙක්..මම හිතේ මවාගෙන උන්න වගේම කෙනෙක් එයා..
කවදා හරි ලොකු අයිය මේ රටකම ඉන්න කැරපොතු සුද්දියෙක්ව බැඳගනීවිදෝ කියල මගෙ හිතේ තිබ්බ 'නයිට් මෙයර්' එක දැන් ඉවරයි..! අපි දෙන්න හරිම ඉක්මනින් යාලුවො උනා..හරියට ආත්ම ගානක ඉඳන් එකට ආපු සහෝදරියො වගේ..එයා කටකාරයි,දඟකාරයි,විහිලුයි..අම්ම නම් අපි දෙන්න දිහා බලල හිනා උනේ ''අපූරු දෙන්න එකතු උනේ'' කියල...
පහුවදා අම්ම ආපසු එන්න ආවත් එයාල මට එන්න දුන්නෙ නැහැ..''ඔයා කොහෙ යන්නද? අපි දන්නව ඔයාට සති දෙකක් නිවාඩු කියල මෙන්න මෙහෙ ඉන්න අපි එක්ක''හ්ම්ම්ම්.ඔන්න ඉතින් මාව නවත්ව ගත්ත...ඉතින් ඒ දවස් 10 එකම විනෝද සාගරයක් උනා කිව්වොත් තමා හරි...
අපි ඈත ගම්වලට ගියා එලවලු පලතුරු කඩන්න..ඒ පැත්තෙ ගොඩාක් තිබ්බෙ ඇප්‍රිකට් වතු..කිවි වතු..මිදි වතු..මිදි වැල් වල ඇරෙන්න අනිත් ගස්වල ගෙඩි පිරීල ඉදිලා ගස්යට ගොඩවල් වැටිල..මට පුදුමයි ඒ මිනිස්සු ඒවට ලෝභ නැත්තෙ ඇයිද කියල..අක්ක කිව්වෙ ඒ මිනිස්සුන්ට ඒවා විකුනන්න බැරිලු..හැමෝටම තියන නිසා..ඒ ගම්වල මිනිස්සු ගෙදරම චීස් හදනවා..එක ගෙදරක එළදෙන්නු 6ක් උන්න..ඒ හය දෙනාගෙන්ම කිරි ගන්නව..එයාල ඒවලින් චීස් හදනව..මට එකපාරම හිතට ආවෙ ඇයි අපේ ලංකාවෙ අයට එහෙම කරන්න බැරි කියල..අපේ රටේ චීස් කියන්නෙ පිටරටින් ගෙන්වන මිල අධික කෑමක්නෙ..ඒත් ටිකක් මහන්සි උනොත් අපිටත් ලේසියෙන්ම හදා ගන්න පුලුවන්...(හප්පොච්චියේ කතාව පීලි පැන්න..නයෙක් යයිද මන්ද මෙතනින්.)


ඉතින්....ඒ දවස් කීපයෙම හවස් කාලෙ අපි ගත කලේ මුහුදු වෙරළෙ..අයියලත් වැඩ ඇරිල ඇවිත් අපිට එකතු උනා..මම කවදාවත් මුහුදෙ නාල තිබුනෙ නැහැ..විශ්වාස කරන්න අමාරුයි නේද?ඔව්.ඒත් ඇත්ත..ලංකාවෙදි රැල්ල පාගල තිබුන විතරයි..මෙහෙ ඇවිත් අවුරුදු 12 ක් දැන්..මුහුද අයිනට ගියාට මම කවදාවත් නාන්නෙ නැහැ..පිහිනුම් තටාක වලට බහින්නෙත් නැහැ..හේතු ගොඩක් තියනව..මම ම හදා ගත්ත හේතු...ඒත් මේ පාර නම් ඒ ප්‍රතිපත්ති බිඳ වැටුන..අක්කි මාව ඇදගෙන ගිහින් මූදෙ ගිල්ලුව..අනිත් එක තමා කවදාවත් අයිස්ක්‍රීම් කන්නෙ නැති මාව අල්ලගෙන බලෙන් අයිස්ක්‍රීම් කැව්ව..(මේවා අපේ අයියලගෙ කුමන්ත්‍රණ වල ප්‍රතිඵල.)..
ඉතින් අපි රෑ වෙරළෙ ගිනිගොඩවල් පත්තු කරන් සින්දු කිව්ව..බාබකිව් දැම්ම..කෑව බිව්වා..නැටුවා..කෑගැහුවා...
අක්කි මාව එක්ක ගියා ඉස්සර කාලෙ පරන රජමාළිගාවක් බලන්න..
තව ඒ පැත්තෙම තිබ්බ විශේෂ පොලක් බලන්න..ඒකෙ තිබ්බෙ ඔක්කොම අත්වලින් හදපු ඇඳ රෙදි,කොට්ට උර,මේස රෙදි,අත් පිස්න,දොර ජනෙල්,රෙදි වගේ දේවල්..ආ ලස්සන රෙදි බෝනික්කො....
තවත් අපූරු දෙයක් උනා..මම කවදාවත් සිංහල ටෙලි ඩ්‍රාම බලන්නෙ නැහැනෙ..අක්කිගෙ කීමට එකක් බැලුව ''මලී'' ඇත්තටම ඒක ලස්සනයි..ඒ 'මුදුනාගල' ගමට 'වෙදහාමිනේ' ගෙ චරිතයට මම ගොඩාක් ආශයි..'දුලීකා මාරපන' විශිෂ්ඨ ගනයේ නිලියක් මට හිතෙන්නෙ..
ඉතින් ඔන්න ඔහොමලු උනා කියන්නෙ ගිය බදාද හවස මම ගෙදර ආව..ඒ ආවාමයි දැක්කෙ බ්ලොග් අවකාශෙත් එක්තරා සැණකෙලියක් තිබිල බව..ඒක නම් මට පෙනුනෙ මෙන්න මෙහෙම.............




..ක්ලැප්..ක්ලැප්..ක්ලැප්..ක්ලැප්..!! 


අවසාන වශයෙන් මගෙ යාලුවන්ට පොඩිකාරනා ටිකක් කියන්න ඕනෙ කියල හිතුනා...


*..මමජීමේල්..ගූග්ල්බුස්..ගූග්ල්ප්ලස්..ගූග්ල්ටෝක්..ස්කයිප්..ෆේස්බුක්...ඔය එකී මෙකී හැම අස්සක් මුල්ලක් ගානෙම උන්නෙත් ඉන්නෙත් මගෙ නියම නමින්,සම්පූර්න නමින් විතරක් නෙවේ වාසගමත් එක්කම..මට හැංගිලා ඉන්න කිසිම හේතුවක් නෑ..ඒත් මේ බ්ලොග් එකේ කිරිල්ලියක් උනේ,මම ලිව්ව රකුසු කතාව මගේ නෑයින් දකිනවට මම අකමැති නිසා පමනයි...මගේ පවුලෙ අයත් රකුසගෙ පවුලෙ අයත් මේ සිද්දි දන්නව උනාට මම කැමති නැහැ මගෙ නෑයො මේවා දැනගන්න වට..එපමනයි...


*..මම වින්චැට් කිරිල්ලි කියන්න තියන දේ කෙලින් කියනව..කාගෙවත් බ්ලොග්ස් වල ඇනෝ කොමෙන්ට්ස් දාන්නෙ නැහැ..''අමා'' කියල මට ප්‍රොෆයිල් එකක් ඇත්තෙත් නැහැ..මම දන්න තරමින් ''අමාල'' 3 දෙනෙක් බ්ලොග්ස් වල කොමෙන්ට්ස් කරනව..මම මේ බ්ලොග් අවකාශෙ කාටවත් මඩ ගහල ගල් ගහල විනෝද වෙන කෙනෙක් නෙවේ..එහෙම කරලත් නැහැ..කරන්නෙත් නැහැ..අනික ඔය ලක්ශ 2ක් මාසෙ පඩිය ගන්නව කිව්ව මහත්තුරුන්ව අල්ලගන්න උගුල් අටවල ඒ උගුල්වලම පැටලිලා නලල දක්ව ගිලෙන්න මඩ කාපු කෙනෙකුත් නෙවේ...


*..මම ලිව්වෙ 'දුක්බර ආදර කතාවක්' නෙවේ..(මොකද මට ඒ ගැන කිසිම දුකක් නැහැ.)මම ලිව්වෙ,ආදරෙයි කියල මාව රවට්ටපු වංචාකාරයෙක් ගැන පමනයි.ඔහුගෙ පොටෝ පල කලේ තවත් අයව රැවටීමෙන් වලක්වන්නයි,මගේ යාලුවන්ගේ ඉල්ලීමටයි.ඔහුගෙන් පලිගැනීමෙ අවශ්‍යථාවයක් ඇත්නම් ඒකට මේ වගේ බ්ලොග් එකක් ලිය ලිය කාලය කා දමන්න මට උවමනා නැහැ..'රකුසු කතාව' ලිවීමේදි ඊට අදාල සිදුවීම්.කතාබහ.දෙබස්, ඇත්ත ඇති හැටියෙන් ලිව්ව මිසක්..ඒ අතර නයි පොළොඟු ගැරඬි උන්නද කියන්න මම දන්නෙ නැහැ..මොකද උන් මෙහෙ නැති නිසා මට උන් ගැන වැටහීමක් නැහැ....


*..මම ආදරෙන් ඉල්ලා සිටිනව මගෙ පෝස්ට් වල තියන වැරදි අඩුපාඩු ගැන එවෙලෙම මට කියන්න...ඒ වගේම ඔයාලගෙ බ්ලොග්ස් වල මම නයි පොළොඟු දැම්මොත් ඒ ඒ බ්ලොග්ස් වල ඇඩ්මින්ල ඒක මට කියන්න..
අවසාන වශයෙන් කියන්න තියෙන්නෙ අපි දවසට එක වේලක් කාල මුලු දවස පුරාම ගොඩාක් මහන්සි වෙලා වැඩ කරන මිනිස්සු..අපිට අපේ ජීවිත වල බොහොම වැදගත් පුද්ගලික කාරනා කටයුතු ඉදිරි සැලසුම් තියනව හිතන්න කියන්න කරන්න...අනුන්ගෙ දේවල් හොයන්න බලන්න..ඇඟිලි ගහන්න..ඊරිසියා කරන්න කුහක කම් කරන්න..මඩ ගහල අපහාස කරල තුට්ටු දෙකෙ විනෝදයක් ලබන්න ඔය වගේ පහත් නූගත් මිනිස්සු කරන වැඩ මම,අපි කරන්නෙ නැහැ...අපිට ඒවා පුරුදු නැහැ...
 ආයෙමත් ඔයාලගෙන් සමාව ඉල්ලනව ඔයාල එව්ව ඔක්කොම කොමෙන්ට්ස් පල කරන්න නොහැකිවීම ගැන..ඒත් මම හිතනව මේ දිග පෝස්ට් එකෙන් මම ඔයාලට පිලිතුරු දීල ඇති කියල..මේකෙ වැරදි අඩුපාඩු ගොඩාක් ඇති. ගමන් මහන්සියත් දේශගුනය වෙනස් වීමත් නිසා මම ඉන්නෙ තරමක් අසනීපෙන්..එහෙනම් නැවතත් අමුතු කතාවක් අරන් ඉක්මනින් එන්නම්... ස්තූතියි...!!!

Saturday, 23 June 2012

එදා...අද සහ හෙට......



මම පුංචිකාලෙ අපි ජීවත් උන අපේ ලංකාවෙ ගේ තිබුනෙ ටිකක් ලොකු වත්තක් මැද්දෙ..අපේ ගේ අවුරුදු 100 කට වඩා පරන ගෙයක්..මගෙ පුංචි කාලෙත්,අපේ මහ ගෙදර ජීවිතෙත් ඒ වට පිටාවත් මතක් වෙද්දි මේ දැනුත් ඇස්වලට කඳුලක් එනවා..


ජීවිතේ හැම දෙයක්ම ලබාගෙන දුකක් අහලකවත් නැතුව කිරිල්ලියෙක් වගේම ගොඩාක් සතුටින් ඉන්න මම..ඒ අතීත කාලෙට නම් හරිම ලෝභයි..ඒ කාලෙ මතක් කරල මම දුක් වෙනව කාටත් හොරා...
අපේ ගේ වටෙත්.වත්තත් කැලෑවක් වගේ ගස්කොලන් වලින් පිරිල තිබුන..ඒවා ඉබේට වැවුන කැලෑ ගස් නම් නෙවේ..අපේ සීයල ආත්තල එයාල ගැන විතරක් නෙවේ එයාලගෙ දරුමුණුබුරු අපි ගැනත් හිතල..''අපිට බැරි උනත් අපේ දරුවො හරි මේවල ඵලදාව ගනීවි'' කියන අදහසින්, දෑතෙ මහන්සියෙන් වවපු ගොඩාක් ප්‍රයෝජනවත් ගස් වර්ග ඒවා...


අපේ ගේ වටේ ඒ ගස් කැලෑව තිබුනෙ මෙන්න මෙහෙම..
ගෙට ඉස්සරහින් අතු විහිදුන විශාල අඹ ගස් ඒවා රට අඹ..කර්තකොලොම්බ..පොල් අඹ.......ඒ ගස් යට ලොකු ගෙඩි හැදෙන පේර ගස්...ගෙට වම් පැත්තෙන් තිබුන ජම්බෝල ගස් දෙකක් පාට දෙකකින් ගෙඩි හැදෙන..ඒ එක්කම ජම නාරං..හීන් නාරං..සිදරන් ගස් 3 ක් තිබ්බ..ගේ ඉස්සරහ දකුනු පැත්තට වෙන්න ලොකු මිදි වැලක් යැව්ව මැස්සක් තිබුන ඒක යට හරිම හෙවනයි සිසිලයි..මම ඉස්සර ඉස්කෝලෙ වැඩ කරන්නෙ මිදිවැල යට ඉඳන්..හැබැයි ඒකෙ ගෙඩි නම් පැණිරස නැහැ...ඒ පැත්තෙම ගෙට ටිකක් දුරින් තිබුන ලොකු ලොවි ගහක්..ලාවුලු ගහක්..වම් පැත්තෙ පිලිකන්නෙ තිබුන උගුරැස්ස,නමිනං,කාඹරන්ග,ඇඹරැල්ල..ඊට ටිකක් දුරින් තිබුන ලොකු දිවුල් ගස් දෙකක්,ලෙලි ඇරපු පොල්ගෙඩි තරම් ලොකු ගෙඩි හැදෙන බෙලි ගස් දෙකක්..වෙරලු ගහක්....
ගේ පිටුපස්සෙ ඉඳල පහල වෙල ගාවට යන කම්ම තැනින් තැන තේක්ක ගස් වවල තිබුන..කෙහෙල් කොටුවක් තිබුන..ඉබේ හැදුන පැපොල් ගස් වල ගෙඩි කෑවෙ අපි නෙවේ කාක්කො ලේන්නු කුරුල්ලො...සුදු පාට ලොකු ගෙඩි හැදුන පිනිජම්බු ගහකුත් ඒ කිට්ටුවම කොහිල වලවල් දෙකකුත් තිබුන..
සීයගෙ ලොකු බුලත් පාත්තිය ඇතුලට ආත්තම්මට අම්මට මට (ගැහැනු ලමයින්ට.) එන්න තහනම් කරල තිබුනෙ..ගැහැනු ලමයි කොන්ඩෙට පොල්තෙල් ගානවලු ඒ තෙල් බුලත් කොල වල වැදෙන්න හොඳ නැතිලු..!!
ඒ බුලත් පාත්තිය ඇතුලෙ අපූරුවට වවල තිබුන මිරිස් කොච්චි වම්බටු බන්ඩක්ක...දඹල වැල්.....
වෙල අයිනෙ තිබුන ලොකු කුඹුක් ගහක්..නවසි පොල් ගහකුත් හැමදාම අඩුවෙන්නෙ නැතුව ගෙඩි පිරුනු තැඹිලි ගසුත්...වෙල අයිනෙ පොල්ගස් වටේ හරිම සාරෙට ගොටුකොල වැවිල තිබුන...වෙලේ නියරවල් වල මෑකරල් පාත්ති කරවිල පාත්ති දාල තිබ්බ..බන්ඩක්ක හිටවල තිබුන..ඒ නියර වලම මුකුනුවැන්න,ගිරා පලා හැදිල තිබුන හැටි දකිනකොට ආශාවෙ බැහැ..හරිම දුකයි දැන් මතක් වෙද්දි...
වහිනකොට වත්ත හේදිල යාවි කියල හරහට දිග කානු (අගල්) කපල තිබුන..ඒවල කොහුබත් දාල කිරිඅල හිටවල තිබුන..කිරි අල ගස් දෙකක් ගැලෙව්වාම පොඩි බකට් එකකින් පුරවල අල...
වෙල පැත්තෙ වත්තෙ කොනක තිබුන කොස්ගස් ගොඩාක්..අපෝ මම නම් ඒ පැත්ත පලාතෙ කවදාවත් යන්නෙ නැහැ..වැල වරක ඉදිල ගස්යට වැටිල ගමේම ඉන්න
බල්ලොයි,කබරයොයි,ලේන්නුයි,කාක්කොයි,මැස්සොයි,කෝඳුරුවොයි,පනුවොයි ඒ පැත්තෙ පදිංචි වෙලා උන්න......
ගේ පිටිපස්සෙ තිබුන කෝපි ගස්වල රතුම රතු පාට ගෙඩි කඩන්න මම ඉස්සර හරිම කැමැත්තෙන් ඉදිරිපත් වෙන්නෙ..ඒක හරිම ආශ හිතෙන වැඩක්..!


මම හරිම ආඩම්බරයෙන් කියනව අපේ ගෙදර කවදාවත් ශීතකරනයක් තිබුනෙ නැහැ..!!
කූල් වතුර ලිඳේ තිබුන..අලුත්ම එලවලු පලතුරු වත්තෙ හැදුන..උවමනා වෙලාවට අලුත් මාලු මස් බිත්තර මාකට් එකෙන් ගෙනාව..(ඇයි අපේ අර කුකුල් ගෲප් එකෙන් බිත්තරත් ලැබුනනෙ.)
ඉතින් මට තව කියන්න අමතක උනා ඔය දෙල් කජු මුරුංග අල බතල වගේ දේවලුත් අපේ වත්තෙම තිබුනා..........ඒ එදා..


 ඉතින්...අද...සෙනසුරාද උදේ පාන්දර අම්මගෙ සුපුරුදු සින්දුව....
''...ෂොඩූ..නැගිටින්නකො අනේ දැන් වෙලාව කීයද දන්නවද? ඔයා එනවද මා එක්ක සුපර් යන්න? නැත්නම් මම ගිහින් එනකම් ප්‍රිජ් එක අස්කරල ක්ලීන් කරල තියනවද?...''
හැම සෙනසුරාදාවකම උදේට මම අහන්න අප්‍රියම රාජකාරිය..!!  හ්ම්ම්ම්ම්ම්ම්...........ඉතින් අපි සුපර්මාකට් ගිහින් වතුර ටික පවා සල්ලි වලට අරන් ඇවිත් ප්‍රිජ් එක පුරව ගෙන සතියක් කනවා...පොහොර දාල..රසායනික ද්‍රව්‍ය ඉහල..එක එක කෘතිම තුරුම්පු ගහල ලස්සනට දිලිසෙන්න හදල තියන එලවලු පලතුරු ගෙඩි දිහා බලාගෙන මම ඉතින් පිලිකුල් භාවනාව කරනව..!!
අපේ මේ ගෙට ඉස්සරහින් ඝෝශාකාර මහ පාර...ගේ දෙපැත්තෙන්ම අහස උසට බිල්ඩින් ඒවා දිහා බැලුවාම මට ඔලුව කැක්කුම හැදෙනව....ගේ පිටුපස්සෙන් ගඟ...(මගේ එකම සැණසීම.)දැන් සමර් කාලෙ පටන් අරන් එලිය දිහා බලන්න බැහැ..එලියට බහින්න බැහැ පිච්චෙන තරම් අව් රශ්නෙ...ඇඳුමක් ඇඳන් ඉන්න බැහැ දාඩියෙන් නෑවෙනවා..තව මාස තුනකින් හතරකින් මුලු ලෝකෙම මලගෙයක් වගේ බලන බලන අත සුදුම සුදු පාට වෙනවා..හිම වැටිල..හිම කඳු හැදිල..ගස්කොලන් ඔක්කොම වේලිලා ඉපල් වෙලා කෝටු විතරයි එතකොට..බලන බලන අත සුදුපාට හිම විතරයි..මේ පහල තියෙන්නෙ අපේ ගේ ඉස්සරහ දර්ශනයක් බලන්න මේක දිහා.......




දැන් ඔන්න කට්ටිය කියාවි..''හානේ මරුනෙ..ලස්සනයි..ඔයා හරීම ලකී..අපිට නෑනෙ ඔහොම වාසනාවක්..හිම ගොඩේ බදාගෙන පෙරලෙන්න හිතෙනව..'' කියල...ඔව්..ඔව් මාත් එක කාලයක් එහෙම හිතුව අර ගමේ  කොලපාට ගස් යට සීතල හෙවනෙ ඉඳන් අලුත්ම ගහෙන් කඩාපු එලවලු පලතුරු කකා ලිඳෙන් කූල් වතුර බි බී ගමේ සුවඳ විඳ විඳ ඉන්නකොට..අඹ ගස් පේර ගස් උඩට වෙලා ඉඳගෙන මාත් එහෙම තමා හීන මැව්වෙ...ඉවසිල්ලක් නැතුව උන්නෙ හිම ගොඩවල් වල පෙරලෙන්න..! හිම සෙල්ලම් කරන්න..!
ඒත් ඒ ආශාව එක සතියයි..ගේ ඇතුලෙ අපාය වගේ ගිනිගොඩවල් ගහගෙන..කිලෝ 10 ක විතර බරට ඇඳුම් ඇඳන් ගෝනි බිල්ලො වගේ ඔලුවෙ ඉඳන් වහගෙන..අත්වලට කකුල් වලට මේස් දාගෙන..අලි බූට්ස් සපත්තු දාගෙන..මහා දුකක් විඳිනකොට....ශීතලට තොල් පැලිල ඇඟිලි තුඩු පැලිල ලේ ඇවිත් වේදනා දෙනකොට...හිමේ ලිස්සල වැටිල අත් ඇඟිලි වැලමිටි කඩා ගත්තාම මම කෑගහ ගහ ඇඬුවෙ වැඩිපුරම හිතේ වේදනාවට.. ගමේ ගෙදරදි ජංගි කොටයක් ඇඳන් පෙර ගහේ අත්තකට වෙලා ඉඳගෙන ලේන්නුත් එක්ක පේර ගෙඩියක් අඹ ගෙඩියක් ක කා සැනසිල්ලෙ උන්න හැටි මතක් වෙලා...


ඉතින්....කෙසේ හෝ අවුරුදු 10 ක්ම වෙව්ලන ශීතලේ පාන්දර 4 ට නැගිටල පාඩම් කරල..ඉස්කෝලෙ පැය ගානට වඩා පන්ති වල පැය ගනන් ගෙවල මහා දුකක් විඳල මම අම්මලගෙ බලාපොරොත්තුව ඉටු කලාට...මම මගේ හිතේ හැමදාම හංගගෙන උන්න ලොකූ බලාපොරොත්තුවක්..මගෙම කියන ලස්සන හීනයක්..!! ඒ හීනය තමා කවදා හරි මගෙ රටට,මගෙ ගමට පියාඹල ගිහින් නිසංසල සීතල පැත්තක..කොලම කොල පාට ගස් ගොඩාක් තියන වත්තක මගේම කියන පුංචි කූඩුවක් හදා ගන්න..!!
මෙන්න මේ වගේ...!!!! :D:D:D:D




හිතට දැනෙන, කියන්න ඕනෙ කියල හිතෙන හැම දෙයක්ම හරියටම ඒ විදියට අකුරු කරන්න තරම් මම දක්ෂ නැහැ...ඒත් මම හිතනව මම මේ කිව්ව දේ ඔයාලට තේරුනා කියල...
ඒ අතරම මේ වගේ දෙයක් කියන්න හිතුනා....සල්ලි නැති මිනිස්සු හිතනව සල්ලි තියන මිනිස්සු වාසනාවන්තයි එයාල තමා සතුටින් ඉන්නෙ කියල..ඒක හරි වැරදි..ජීවත් වෙන්න සල්ලි ඕනෙ තමා..ඒත් කෙනෙකුගෙ සතුට තියෙන්නෙ සල්ලි මතම නෙවේ......
අනිත් කාරනාව ඉල්ලීමක්..! ඔයාලත් ගෙදර වත්තෙ පලතුරු ගහක් දෙකක් හිටවන්න..පුලුවන්නම් ගොඩාක්..සමහරු කියනව මම අහල තියනව ''..අනේ අපි ඔය ගස් ලොකු වෙලා ගෙඩි කනකොට බැරියැ..අපි මැරුන තැන් වල ගසුත් පැලවෙලා තියේවි එතකොට..'' කියල..ඒ කතාව හරිම ආත්මාර්තකාමියි නේද?අපේ සීයල අර තරම් දේවල් වවලා තිබුනෙ එයාලට ම නෙවේ අපිට..එයාලගෙ දරු මුණුබුරන්ට...අඹ පැලයක්..පේර පැලයක්..රඹුටන් පැලයක් ලොකු වෙලා ගෙඩි හැදෙන්න යන්නෙ අවුරුදු 4 ක් විතරයි..ඒක මහා කාලයක් නෙවේ... !!
ඉතින් අවසාන වශයෙන් කියන්න තියෙන්නෙ අපේ කොලපාට රටේ ජීවත් වෙන ඔයාල ගොඩාක් වාසනාවන්තයි..!!

Sunday, 10 June 2012

බේබි සිටින්....!!

එදා අපේ ගෙවල් කිට්ටුව ලස්සන උද්‍යානයක තිබුන පොඩි ලමයින්ගෙ උත්සවයක්..මේකෙ පොඩි සල්පිල් වල රෙදි බෝනික්කො..ලී බෝනික්කො..අර අම්බලංගොඩ රූකඩ වගේ, ඔක්කොම මපට් පප්ට්ස්ලා විකුනන්න තිබුනා..ඒවා අළෙවි කලේ ඒ ලැබෙන මුදල් අප්‍රිකාවෙ අසරන ලමයින්ට අධාර පිනිස යවන්නයි......
මේ පොඩි සල්පිල් භාරව උන්නෙ කඩියො වගේ එහාට මෙහාට දුවන නෝනල දෙන්නෙක්..එක්කෙනෙක් සිවිල් ලෝයර් කෙනෙක් නම මෝනා..අනිත් කඩියා අපේ අම්ම....
අම්මලාගෙ ආයතනයේ වැඩ කරන පවුල් වල පුංචි පැටවුනුත්..තව යාලු හිතවත් පවුල් වලත්,අවට ගමේ පුංචි පැටවුනුත් මහා ගොඩාක් පාක් එකේ පිරිල උන්න..පාට පාට මල් වගේ ලස්සන සමනල්ලු වගේ...
සල්පිළක් ඇතුලෙ ඉඳල ඉඳල කම්මැළි හිතුනාම මාත්  එලියට ඇවිත් පොඩ්ඩක් ඔහේ ඇවිදගෙන ගියා මාලුවොයි ඉබ්බොයි ඉන්න ලොකු වතුර පොකුන පැත්තට..පුංචි ලමයින්ගෙ සැන්දෑවක් නිසා චාම් රෝස පාට සිනිදු ගවුමක් ඇඳල, රෝස පාට සපත්තු දෙකක් දාල, කොන්ඩෙ දෙකට බෙදල කරල් දෙකක් ගොතල රෝසපාට රිබන් වලින් ගැට ගහන් මම එදා උන්නෙ.....
මාලු පොකුණට කිට්ටු වෙද්දිම ඈත ඉඳන් දුවන් ආපු පැටව් ටිකක් මාව වට කර ගත්තා..කටියම කිචි බිචි ගානව..හිනා වෙනවා එකිනෙකාගෙ මූණු බල බල..ඇහ් මේ මොකෝ මේ..??
රන්වන් පාටින් කඩා හැලෙන පොකුටු කොන්ඩෙකුත් තද කොල පාට ලස්සන ඇස්දෙකකුත් තිබුන හරිම හුරතල් මූණක් මගෙ ලඟට ආව...
''..හායි මිස්.. ඔයා රෙඩ් ඉන්ඩියන් නේද..?''
''..ම්ම්ම්..මම..ආහ් ඔව්නෙ.. කෝමද ඔයාල දන්නෙ..?''
''..අපි දන්නව..ඔය විදියට කොන්ඩෙ හදන්නෙ රෙඩ් ඉන්ඩියන්ස්ල..ඉතින් කෝ ඔයාගෙ කුරුලු පිහාටු..?''
''..ම්ම්ම්ම් අද මම කොන්ඩෙට කුරුලු පිහාටු ගැහුවෙ නැහැ ඒවා ගෙදර තියල ආවනෙ..''
''..එතකොට එදා?..එදත් ඔයා කුරුලු පිහාටු ගහල උන්නෙ නැහැනෙ..?''
''..එදා? ඒ කවදද?? ඔයා මාව කලින් දන්නවද..?''
ඔන්න දැන් නම් මාව මේ කෙල්ල කරකවල අත ඇරිය වගේ..මම පුදුම වෙලා එයා දිහා බලන් උන්නෙ..හපෝ එහෙමත් කටක්..! එහෙමත් පන්ඩිත කමක්..!!!
''..ඔව්. ඔයා ඔයාගෙ මමී එක්ක උන්න සුපර්මාකට් එකේ..මම මගෙ මමී එක්ක උන්නා..ඔයාල උඩට ගියා..''
''..හ්ම්ම්ම්ම්..කවුද ඔයාගෙ මමී? කෝ එයා දැන්..?''
පොඩ්ඩි අත දික් කරපු පැත්ත බැලුවාම මම පුදුම උනා..මෙයා මේ මෝනගෙ දුව එමිලි..!! අහල තිබුනට මෙයාව මම දැක්කෙ එදාමයි..මෝනට බබාල 4 දෙනෙක් හම්බ වෙන්න ඉද්දි නැතිවෙලා..එමිලි තමා 5 වෙනි බබා..එමිලිගෙ තාත්තත් ලෝයර් කෙනෙක්..එයා මෝනට වඩා ගොඩාක් වැඩිමල්..හරියට තාත්තයි දුවයි වගේ..එමිලිගෙ සීය වගේ......
ඔන්න ඉතින් එදා අපි දෙන්න ගොඩාක්ම යාලු උනා..මගෙ ජීවිතේටම හැබැහින් දැක්ක ලස්සනම හුරතල් කෙලි පැටික්කි තමා එමිලි..වයස අවු:5.මූණ රෝසම රෝස පාටයි..කැරලි කැරලි රන්වන් පාට කොන්ඩෙ කඩා දාගෙන කොල පාට ටීක් බෝල දෙකකක් වගේ ඇස්දෙක නටව නටව  හුරතල් පන්ඩිත කතා කියද්දි දකින ඕනෙම කෙනෙක්ට ආදරේ හිතෙනව එයාට......
දවසක් අම්මල ගමනක් ගියා එදා මෝනා එමිලිව අපේ ගෙදර තියල ගියා මා එක්ක...මෙයා දඟ කරන ලමයෙක් නෙවේ හරි තැන්පත් ඒත් පොත් වලට පෙරේතයි..පින්තූර පොතක් බල බල උන්න ගමන් හැරුන හදිසියෙන් වගේ මගෙ පැත්තට..
''..හේයි ෂොඩූ..අපි කාටුන් බලමු යන්න පොප්කෝන් හදන් එන්න..''
''..මොකක්? ෂොඩූ??''
''..ඔව්.ඔයා ෂොඩූ.. ඒ ඔයාගෙ නම..''
''..එමිලී ඔයා මගෙ නම දන්නව..වෙන නම් හදන්න එපා මට..''
''..නෑ ඒක තමා ඔයාගෙ නම..මගෙ මමී මට කතා කරන්නෙ එමිලි..ඔයාගෙ මමී ඔයාට කතා කරන්නෙ ෂොඩූ..ඒක තමා ඔයාගෙ නම..''
හ්ම්ම්ම්..ඕන මගුලක්..අද විතරනෙ...මම පොප්කෝන් හදන් ආව ඔන්න දැන් අපි කාටූන් බලනවා...මෙයා ආයෙමත් ඇස් යටින් බැලුව මා දිහා...
''..ෂොඩූ..''
''..ඇයී..''
''..බෝයි කෙනෙක් ඉන්නවද..?''
''..එක්කෙනෙක් නෙවේ ඔය දෙන්නෙක් ඉන්නෙ..එකෙක් නිදි අනික ෆුට්බෝල් වලට ගිහින්..'' අනේ මම හිතුවෙ මෙයා මේ කියවන්නෙ අයියල දෙන්න ගැන කියල....
''..එයාල නෙවේ ෂොඩූ..එයාල බ්‍රදර්ස්ලනෙ..මම කිව්වෙ ඔයාගෙ බෝයි..ඔයාගෙ..''
කොලපාට ටීක් බෝල දෙක කරකවල මේකි අහපු දේට ආයෙත් මාව කැරකිලා ගියා...
''..මෙන්න වැඩක්..ඊඊහ්..ඔයා කෝමද ඕව දන්නෙ? කවුද කියල දුන්නෙ?..''
''..කවුරුත් කිව්වෙ නැහැ මට නම් ඉන්නව බෝයි කෙනෙක් ඉස්කෝලෙ..''
''..ඈහ්හ්...මේ එමිලි බොරු කතා කියන්න හොඳ නැහැ පොඩි ලමයි තේරුනාද? ඔයා තාම පොඩි ලමයෙක්..!''
''..ඉතින් එයත් මං වගේ තමා..එයා මගේ බෝයි..ජින්පෙඩ්‍රෝ..''
''..මොකක්? ජින්?..''
''..ජින්..ජින්..නෙවේ ෂොඩූ ජින්පෙඩ්‍රෝ..''
(හෆ්ෆා...මේ කෙල්ල මා එක්ක කිව්ව ඔක්කොම දේවල් ලියන්නෙ නැහැ මම..ඔයාල හිතාවි මම බොරු ලියනව කියල..ඒ තරම් පුදුමයි මෙයා..)
කෝම හරි එදා අම්මල ආපහු ගෙදර එද්දි මම උන්නෙ කොන්ඩෙ දෙකට බෙදල ගොතල ඒවට බෝල එල්ලලා..නලල වටේට රෙදි පටියක් බැඳල..ඒකෙ කන ගාවින් ලංකාවෙන් මම ගෙනාපු ගිනි කුකුල් පිහාටු ගහල..කම්මුල් රතු කරල, ඇස් නිල් කරල, කට දම් පාට කරල..ගෙදර තිබ්බ ඔක්කොම මාල ඇට මාල පබලු කොන්ත දම්වැල් බෙල්ලට දාල..
අම්ම මාව දැක්ක ගමන් හා..ෆෝ මගෙ බුදු අම්මේ කියල බඩ අල්ලන් ඉඳ ගත්ත......


ඒ එදානෙ....ඊට පස්සෙ දවසක හවස මෝනා ආයෙමත් බැගෑපත් උනා එයාලට වෙඩින් පාටි එකකට යන්න වෙලා..එමිලිව එක්ක යන්න බැහැලු එමිලිට සනීප මදිලු..ඉතින් මට පොඩ්ඩක් එයා එක්ක එහෙ ඇවිත් ඉන්නලු කියල..එමිලි ගෙදර ඉන්න කැමති උනේ මම එනව නම් විතරලු..හ්ම්ම්ම්..ඉතින් බැහැ කියන්නත් බැරි කමට අම්ම මාව එහෙට ගිහින් දැම්ම....
මෙයාලගෙ ගේත් තට්ටු දෙකක්..යට තිබුනෙ ගරාජ් එක..උඩ ගෙදරට යන්න පිටින් පඩි පෙලක් තිබුන..බැල්කොනි කීපයක් තිබුනා ගොඩාක් මල් වවල..එක බැල්කොනියක් තිබ්බ ගේ පිටුපස්සට පාලුවගේ පැත්තකට වෙන්න..ඒ පාලු පැත්තෙ ගෙයින් මීටර් 20ක් විතර දුරින් වත්තෙ කූඩුවක උන්න තඩි ෆිට්බුල් බල්ලෙක්ව හිර කරල..ඒ දඩෝරිය පාරට පැනල මිනිහෙකුට මරණීය තුවාල කරල නිසා එයාට උසාවියෙ නඩුවක් ලු..
ඉතින් රෑ 7 ට විතර ටිකක් අඳුර වැටිල..මෙයාල යන්න පිටත් උනා..මෝන ලස්සන නිල් ගවුමක් ඇඳල එයාගෙ හබී වයසක පොර උනාට ජැන්ඩියට ඇඳල..අලුත්ම කලු කලිසම කලු කෝට් එක දිලිසෙන නිල් ටයිපටිය දිලිසෙන කලු ලෙදර් සපත්තු දෙක..ෂාආහ්!! නිකම් 25 ක කොල්ලෙක් වගේ...ඉතින් ඔන්න දෙන්න පිටත් උනා මට හොඳටම ඇහුන කාර් එක යනව...ඉතින් මට ආශ හිතුන අර දඩෝරියව බලන්න..කවදාවත් දැකල තිබ්බෙත් නැහැනෙ උසාවියෙ නඩුවක් තියන බල්ලෙක්ව..මූට තියෙන්නෙ නිකම් පාතාල මූණක්ද..මරු සිරා මූණක්ද කියල බලා ගන්න කම් මට ඉවසිල්ලක් තිබුනෙ නැහැ..ඉතින් ඔන්න මම එමිලි වත් ඇදන් ගියා අර පාලු පැත්තෙ බැල්කොනියට දඩෝරිය ඉන්නෙ ඒ පැත්තෙනෙ.. අපි බලද්දි ඒක කෑම කනව..හම්මෝ උගෙ සයිස් එක..!!!!!!
ඒ බැල්කොනි එකේ තිබුන ගේ හෝදපු(මොප් කරපු.) වතුර බකට් එකක්..ඈඈය්යා..කලුම කලුපාට ජරා වතුර..අප්පිරියාවෙ බැහැ...
''..එමිලි.මේ මොනාද මේ වතුර කලු පාටට..? ඇයි මේක මෙතන..?''
''..පපී කුස්සියෙ කෝපි හැලුවා..මාත් වමනෙ කලා..''
''..ඊඊයා..ඉතින් මේක මෙතන..?''
''..මමීට අමතක වෙලා..දැන් ඔයා ඕක විසිකරන්න..''
''..මම?..ඊක්.. හරි කොහාටද විසිකරන්නෙ..?''
''..හලන්න ෂොඩූ..හලන්න පහලට වීසිකරන්න..''
මම අර කුනු ජරා වතුර බකට් එක ගත්ත ගමන් හැලුව බැල්කොනියෙන් පහලට...එතකොටම මර හඬක් ආව පහලින්..!!! දඩෝරියාත් මර ලතෝනි දීල බුරන්න ගත්ත..!!!
හෆ්ෆා..මෙන්න හඬ..


$%$òò@@FFFF@66
&&%%&UUU&%%%$$$$)))((///ççç@@@@
@@&&CCCCC&%%%@@//
$$$£££@@//??^^!!"FF@@@°((//&&%%%
...,,.-..--.-òò-,ò-,,llò---à


දැන් හඬ එන්නෙ පඩි පෙල පැත්තෙන්...!
''..ෂොඩූ..ඒ මගෙ පපී..!!''
''..නෑ නෑ..එයාල ගියා..''


අපි දෙන්න දිව්ව පඩිපෙල පැත්තට...මෙන්න මේ මොකාද..නාකි පෙරකදෝරුව අර කලු කෝපි වමනෙ කුනු වතුර බකට් එක ඔලුවෙ ඉඳන් නාගෙන පෙරාගෙන රීරි යකා..මහ සෝනා වගේ පඩිපෙල දිගේ උඩට එනව..!!! අර ලස්සන කලු කිට් එක විනාශයි..!!!
අපි දෙන්න පුලුවන් තරම් යයියෙන් කෑගැහුව..!!!
ෂටාආප්..!! තොපි දෙන්නම පලයව් කාමරේට..!!
පෙරකදෝරුව අඩි හප්පල මාරයා වගේ බෙරිහන් දුන්නාම අපි දෙන්න දිව්ව කාමරේට ගිහින් දොර වහ ගත්ත..එමිලි වෙව්ලනව..මම ඊට හපන්..!!
අම්මට කෝල් කලා එයා කතා නැහැ..බාත් රූම් එකේ ශුවර් එකකටම..පැය භාගෙකට විතර පස්සෙ විස්තරේ කිව්වාම අම්ම ඇවිත් ඒ ගේ වහල අපි දෙන්නව ගෙදර එක්ක ගියා....


එදා ඒ දෙන්නගෙ කාර් එක පිටත් වෙනව ඇහුනට ගිහින් තියෙන්නෙ මෝනා විතරයි..මෝනා යාලුවෙක් එක්ක එන්න ගිහින් එන තුරු හබී දඩෝරියට කන්න දෙන්න නතර වෙලා.. අපි දෙන්න බැල්කොනි එකේ ඉන්නව එයාට ඇහිලත් නැහැ.. මිනිහ මිදුලෙ අනිත් පැත්තෙ ඉඳල එතෙන්ට ඒ ආව විතරමලු....


මට නම් දුක හිතුනෙ අර ලස්සන කලු කිට් එක ගැන...!!

Thursday, 31 May 2012

මගේ පුංචි ලෝකේ..........ECOSPHERE..!

                                   මේක ගූග්ල් දෙවියන්ගෙන් ඉල්ල ගත්ත පොටෝ එකක්.

ටික දවසකට පස්සෙ ඔන්න කිරිල්ලි ආවා...පහු ගිය දවස් වල මට පොඩි දෝෂයක් තිබුනනෙ..අහ් හා..ඔය අහන්න හදන්නෙ 'කලු කුමාර දෝෂෙද' කියල නේද? කලු කුමාරය කොහෙද අනේ මා දිහාවට කිට්ටු කරන්නෙ මේ තරම් පැණි කුරුල්ලො ගොඩක් වට කරන් ඉන්නකොට??.හහ් පිස්සු හැදෙයි..!!

මේකනෙ උනේ..අප්‍රියෙල් මැයි මාස වෙද්දි මෙහෙ ගස් වල දලු දාල කොල ඇවිත් මල් පිපෙන්න ගන්නව..මේ කාලෙට මෙහෙ ගොඩාක් අය අසාත්මික තාවයකින් පීඩා විඳිනව..මාත් ඒ එක්කෙනෙක්..උදේ පාන්දර නැගිටිනකොට උගුර කසනව,ඇස් කසනව,නොනවත්වා කිවිසුම් යන්න පටන් ගන්නවා..ඉතින් මූණ ලේ පාට කරන් හොටු සූර සූර තමා ජීවිතේ..මේක මොන තරම් වදයක්ද කියල දන්න අය දන්නව....

මේකට බෙහෙත් දෙන්න කලින් ඩොක්ටර්ස්ලා තදින් අවවාද කරනව වාහනයක් පදවගෙන යන්න එපා..බයික් එකක් වත් පදින්න එපා බෙත් ගත්තට පස්සෙ කියල..ඇයි දන්නවද? මේ බෙහෙත් බිව්ව ගමන් නිදි මත එනවා..සමහරුන්ට නින්ද යනවා...ඉතින් මම මේව ගන්නෙ රෑට කෑම කාල..බෙහෙත් බිව්වට පස්සෙ නම් ඔලුව කෙලින් තියන් ඉන්නව බොරු...නිදිමත...නිදිමත.. ඔලුව පැත්තට කඩන් වැටෙනව...ඇයි උදේට??..හෆ්ෆා කෝපි බාල්දියක් බිව්වත් ඒ නිදිමත එහෙමමයි..!!

ඔෆිස් එකට ගිහින් වැඩ කරනවට වඩා කරන්නෙ නිදි කිරන එක...බෙහෙත් නොබිව්වොත් පාන්දරින් පටන් අරන් මුලු දවසෙම කිවිසුම් ඇර ඇර හොටු සූර සූර ඉන්න වෙන්නෙ...එහෙමත් කලා මම ටික දවසක් නිදා වැටෙන්න බැරි කමටම..කෝම හරි ගිය සතියෙ අග වෙද්දි මගෙ මේ දෝෂය සුව උනත්,  අතපසු උන වැඩ වලට කොටුවෙලා උන්න නිසයි මොකුත් ලියාගන්න බැරි උනේ..ඒත් මේ අසනීප නිදිමත මැද්දෙන් මම ඔයාලගෙ බ්ලොග්ස් වලට එන්න අමතක කලේ නැහැ ඔන්න...!!  රැට නිදිමතේ ඔලුව කඩා වැටි වැටි අලුත් පෝස්ට් කියවල කොමෙන්ට්ස් කරල ඇති...(ඒවල ලිව්ව දේවල් දන්නෙ දෙයියො තමා.)

ඉතින් අද මම කියන්න යන්නෙ පුංචි ලස්සන අමුතු දෙයක් ගැන..මීට අවුරුදු 2 කට කලින් මට කොහෙත්ම සිංහල ලියාගන්න බැරි කාලෙ මේක ලියන්න කියල කෙනෙකුට කිව්වට එයා උදව් කලේ නැහැ...හොඳයි මේකයි කතාව...........

මීට අවුරුදු කිහිපයකට කලින් NASA විද්‍යාඥ්ඥයො පිරිසක් එකතුවෙලා පරීක්ෂන කිහිපයක් සිදු කලා,අලුත්ම විදිහෙ අභ්‍යාවකාශ යානයක් නිපදවන හැටි පිළිබඳව....
ඔවුන්ට ඕනෙ උනේ, අභ්‍යාවකාශගාමීන්ට දීර්ඝ කාලයක් තිස්සේ අභ්‍යාවකාශයේ රැඳිල ඉන්න පුලුවන් විදියට මේ යානය නිපදවන්නයි.
ඒ වගේම ඔවුන් උත්සාහ කලේ මේ යානයේ අභ්‍යන්තර පරිසරය යානය විසින්ම පවත්වාගෙන යන ආකාරයට මෙය නිපදවන්න.ආහාර නිපදවා ගන්න..යානය තුල යන්නන්ට ඔක්සිජන් නිපදවා ගන්න සහ වාතය මෙන්ම ජලයත් නැවත ප්‍රයෝජනයට ගත හැකි ආකාරයට පවත්වාගෙන යන්න ඔවුන්ට අවශ්‍ය උනා.......

ඔවුන්ගේ ඒ පරීක්ෂන වල ප්‍රථිපලයක් විදියට, සංවෘත වීදුරු බඳුනක් තුල ස්වයංක්‍රීයව පාලනය වන ලෝකයක් නිර්මාණය කරන්නෙ කෝමද කියල ඔවුන් ගවේෂනය කලා....ඒකට හේතුව තමා මේ පුංචි සියුම් ලෝකෙ ගොඩාක් ලස්සන වීම,ස්වභාධර්මය තුල තියන සමබරතාවය ගැන මිනිස්සුන්ට තේරුම් ගන්න උදව්වීම.....
NASA ආයතනය තාක්ෂනය බෙදා හැරිය ඉවතට...එම නිසා මේ පුංචි ලෝකෙ හදන්න පුලුවන් වේවි ඒ වගේම විශාල මිලකට අළෙවි කරන්න පුලුවන් වේවි කියල ඔවුන් විශ්වාස කලා...ඉතින් ඊට පස්සෙ තමා ECOSPHERE කියන නමින් මේ පුංචිලෝකෙ බිහි උනේ.......
ජලය,වාතය,පුංචි අඟුටුමිට්ටො වගේ ඉස්සො(කූනිස්සො.)වගේම ඇල්ගි සහ බැක්ටීරියා විශේෂ වලින් ECOSPHERE සමන්විත වෙලා තියනව...පුංචි අතු,ගල්පර්වත වලිනුත් මෙය සමන්විතයි..ඒ නිසාම පුංචි කූනිස්සන්ට හැංගෙන්න තැන් වගේම,මේකෙ බැක්ටීරියා වලට තදින් වෙලිල ඉන්න මතුපිටකුත් තියනවා..ඒ වගේම මේ පුංචි ලෝකෙ විනිවිද පෙනෙන එකක් විය යුතුයි..එවිට ආලෝකය හොඳ ශක්ති ප්‍රභවයක් විය හැකියි මුලු පද්ධතියටම.......

ඉතින් NASA විද්‍යාඥ්ඥයො මේ පුංචි ලෝක විශාල සංඛ්‍යාවක් නිර්මාණය කරල ඉහල මිල ගනන් වලට අළෙවි කලා....

බලන්න මේ පින්තූරයෙ තියෙන්නෙත් එයාල ඒ නිර්මාණය කරපු ECOSPHERE  එකක්....


මේක මගෙ..මගේ පුංචි ලෝකෙ..මීට අවුරුදු 6 කට කලින් මගේ ජීවිතයට ගොඩාක් වැදගත් විශේෂ පුද්ගලයෙක් මට මේක තෑගි කලා.. මගෙ පුංචි දරු පැටව් 6 දෙනා(කූනිස්සො.) මේක ඇතුලෙ ජීවත් වෙන්නෙ....එයාලට අවශ්‍ය කෑම,හිරු එළිය,වාතය ඔක්කෝම මේක ඇතුලෙම නිශ්පාදනය වෙනවා...බලන්න මෙන්න මේ විදියට..........

Animated diagram of EcoSphere life processes cycle.


* හිරු එළිය හෝ කෘතිම එලිය ඇල්ගි වැඩීමට සලස්වනව....
* ඇල්ගි ඔක්සිජන් නිපදවනව+ආහාර වෙනව පුංචි කූනිස්සන්ට....
* කූනිස්සො ඔක්සිජන් ආශ්වාස කරනව ඇල්ගි ආහාරයට ගන්නව....
* කූනිස්සන්ගෙන් අපද්‍රව්‍ය සහ කාබන් ඩයොක්සයිඩ් ලැබෙනව....
* බැක්ටීරියා මෙම අපද්‍රව්‍ය මත ක්‍රියා කරල ඇල්ගි වලට ආහාර වෙනව....
* ඇල්ගි කාබන්ඩයොක්සයිඩ් සහ සියුම් එලිය ලබාගෙන වැඩෙනව..ඒවා කූනිස්සන්ගෙ ආහාර බවට පත් වෙනවා....

චක්‍රයක් විදියට මේ ක්‍රියාවලිය සිදුවෙන අතර කූනිස්සො වසර කීපයක් මේ විදියට ජීවත් වෙනව....
මේ විදියට මේ පුංචි ලෝකය තුලත් හැම දෙයක්ම මෙහෙම එකමුතුව සිදු වෙනව අපි මේ ජීවත් වන ලෝකය තුල වගේම....



මේකෙ තියන ඔය tested by nasa කියන පොඩි බට්න් එකට ඇඟිල්ල තියල හෙමින් එහාට මෙහාට අරන් ගියාම  ඕකෙ ඇතුල් පැත්තෙ වීදුරුවෙ බැඳිල තියන ඇල්ගි අහක් වෙලා වීදුරු බෝලෙ ලස්සනට පිරිසිදු වෙනව..ඒ අහකට යන ඇල්ගි මගේ දරු පැටව් ටික දුවගෙන ඇවිත් කාගෙන කාගෙන යනව....


මෙයාලව එක පොටෝ එකකට ගන්න නම් කොහෙත්ම බැහැ...දුවනව හැංගෙනව... ඔය ඉන්නෙ තුන් දෙනෙක් විතරයි...

ඉතින්...ඔයාල මොනාද හිතන්නෙ මගේ පුංචි ලෝකෙ ගැන??


විශේෂ ස්තූතිය: දයාබර හිතුවක්කාර කෙල්ලට..!!  මේක ලියාගන්න ගිහින් සිංහල වචන හොයා ගන්න බැරුව ලෝක අමාරුවක වැටිල උන්න මාව ගොඩ ගත්තෙ එයා..
ඔයාට ගොඩාරියක් ස්තූතියි හිතූ..!!

Friday, 11 May 2012

ඉහත ආත්මෙද..? හීනයක්ද..?



මම සිංහල බෞද්ධයෙක්...සත්කෝරලේ කටුගම්පල සිංහල බොදු ගොවි පවුලේ එකම දි..නෑ.නැත් නම් ඕනෙ නැහැ..(මගුල් දැන්වීමක් දාන්නයි ගියෙ ඒක පස්සෙ දාන්නම්.):):):P


වචනෙට විතරක් නෙවේ මම හදවතින්ම බෞද්ධයෙක්,මම මගේ ආගම විශ්වාස කරනව..බටහිර ජීවත් උනාට ඉගෙන ගත්තට යූරෝ හම්බ කලාට..මම මගෙ රටට ආගමට ආදරෙයි.......
ඒ වගේම පුනරුප්පත්තිය ගැන මම විශ්වාස කරනව..අපේ අය කියනව මම පොඩි කාලෙ ඉහත ආත්මෙක දේවල් කතා කලා කියල..ඇත්තටම මට නම් ඒ කිව්ව කියන දේවල් දැන් මතක නැහැ..ඒත්..මට හොඳට මතකයි අම්ම..ආත්තම්ම නැන්දල සමහර වෙලාවල් වලට ඒ කාලෙ මට සැර කරනව...''..මොනාද මේ කියවන්නෙ? කවුද ඕව කියල දුන්නෙ? නෑ..නෑ එහෙම දේවල් උනේ නැහැ..එහෙම වෙන්නෙ නැහැ..ඔයා බොරු නේද කියන්නෙ? බලාගෙනයි ආයෙ කිව්වොත් හෙම තේරුනාද? එහෙම කවුරුවත් උන්නෙ නැහැ..ඔයා හීනෙන් දැකල ඕව කියන්නෙ...'' ඔන්න ඔය විදියට මට මතකයි එයාල මට සැර වැර දානවා......
හ්ම්ම් කෝම හරි එයාලගෙ සැර පාරවල් විතරක් මතක හිටල අනිත් දේවල් මට අමතක උනා.
හැබැයි හදිස්සියෙවත් මතක් කරනවට අපේ අම්ම ගොඩාක් අකමැති සිදුවීම් දෙකක් විතරක් යාන්තම් මගෙ හිතේ කොනක තාමත් හැංගිලා තියනව.හැමදාම හිතේ තියන් ඉන්නව නෙවේ.. ඒත් කවුරු හරි ඉහත ආත්මෙ හෝ පුනරුප්පත්තිය වගේ මාතෘකා ගැන කතා කරනව ඇහුනොත් මට මේව ටක් ගාල මතකෙට එනව..ඇවිත් මගෙ ඔලුවට වද දෙනව..
ඊයෙ ''පොඩිකුමාරිහාමිගෙ එහා ලෝකය'' පෝස්ට් එක දැක්කට පස්සෙ මට ආයෙමත් මේ සිද්ධි 2 මතක උනා..
සමාවෙන්න..මම කියන්න දන්නෙ නැහැ මේවා ඉහත ආත්මෙක උනාද..ඊටත් එහා ආත්මෙක උනාද..එහෙම නැත් නම් කවදාවත් උනේ නැතිමද කියල..ඒත් මේ ආත්මෙදි නම් මේ දේවල් සිදු උනේ නැහැ..ඒ වගේම මේ සිදුවීම් මට හීනෙන් පෙනුන ඒවා වෙන්න කොහෙත්ම ඉඩක් නැහැ..
මම මේක ලියන්නෙ මේ ගැන ඔයාලගෙ අදහස් මොනාද කියල දැනගන්න වගේම මගේ මේ මතකයන් (මට පිස්සුද මන්ද.)අමතක කරන්න පිලිවන්ද බලන්නයි...


හොඳයි..මේක තමා පළමු සිද්දිය:
අපේ අම්මගෙ ලොකුම අක්ක එක කාලෙකදි ජීවත් උනා මීගමුව කොච්චිකඩේ කියන නගරෙ ප්‍රධාන පාරෙ අයිනෙම ගෙදරක..තාම ඒ ගේ එතන තියනව..ඒත් ලොකු අම්මල ඉන්නෙ පිටරටක..ඉතින් මම මේ කියන දවස වෙනතුරුම මම දැනගෙන උන්නෙත් නැහැ කවුරුවත්ම මට කිව්වෙත් නැහැ ඒක අපේ ලොකුඅම්මලගෙ ගෙයක් කියල...මට එතකොට අවුරුදු 5 ක් කියල අම්මල කියන්නෙ...ඒ දවස අද වගේ මට මතකයි...
මේ දවසෙ අපි පවුලෙ අය කොච්චිකඩේ පහුකරල මීගමු පැත්තට යමින් උන්නෙ..ඉතින් ඔන්න මේ මම කියන ගේ පහුවෙනකොටම මම ඒ පැත්තට අත දික් කරල අම්මට පෙන්නුව ''..මේක ලොකු අම්මලගෙ ගේ..''  කියල...
අම්ම ගැස්සිලා වගේ ඇස්දෙක ලොකු කරන් මගෙන් ඇහුව..''..ලොකු අම්මලගෙ ගේ?..ඔයා කෝමද දන්නෙ..?මේ පාරෙ අපි වෙනදත් ගියා අපි කවුරුවත් ඔයාට එහෙම කිව්වෙ නෑනෙ..කියන්න කියන්න කෝමද ඔයා දන්නෙ..?''
මට එවෙලෙ හිතුනෙ අම්ම බොරු කියනව කියල...මම අම්ම එක්ක ඒ ගෙදරට ගියා මට හොඳටම මතක තිබුනා....
''...ඇයි අපි ආවෙ අර චූටි බබාව බලන්න..?''
අම්ම මගෙ දිහාවෙ බලන් උන්නෙ හොල්මනක් දැක්ක වගේ ඒ මූණ නම් දැනුත් මැවිල පේනව මට....
''..මොන චුටි බබෙක්ද? කවුද ඔයාට කිව්වෙ එහෙ බබෙක් නැතිඋනා කියල?..''
ඒ වෙලාවෙ නම් මට කේන්ති ආව..අම්ම මොනාද මේ කියන්නෙ....''..ඇයි අම්ම බොරු කියන්නෙ? අම්මනෙ මාව එහෙ එක්ක ගියෙ..මම ඇඳන් ගියෙ සුදුපාට වගේ ගවුමක් රතු සපත්තු දෙකක් දාල අම්ම මගෙ අතින් අල්ලන්නෙ ගියෙ..අපි ගෙට ඇතුල්වෙද්දිම ලොකුඅම්ම හයියෙන් කෑගහල ඇඬුව..චූටි බබා සාලෙ මැද්දෙ පෙට්ටියක උන්නෙ ඇස්දෙක පියාගෙන..නිල් පාට ලස්සන ගවුමක් ඇඳල.නිල්පාටම සපත්තු දෙකක් දාල උන්නෙ..ඒ පෙට්ටිය වටේට මල් එල්ලල තිබුන..''
මම කියාගෙන යද්දි අම්ම මගෙ කට වැහුව අතින් ''..ඇති ඇති...හා එහෙම තමා..මේ ලමයට නම් අනේ මන්ද මොන......''
''..ඇයි අම්මට මතක නැද්ද ලොකුඅම්ම අඬනකොට මම ඇහුවෙ ඇයි එයා අඬන්නෙ කියල..අම්ම කිව්වෙ බබාට සනීප නැහැ එයා නිදි ඒකයි ලොකු අම්ම අඬන්නෙ කියල..ඇයි අම්ම කිව්වෙ..හා නැද්ද? අම්ම එහෙම කිව්වෙ නැද්ද?..''


එදායින් පස්සෙ ආයෙ මට ඒ ගැන කතා කරන්න අම්මවත් තාත්ත වත් ඉඩ දුන්නෙ නැහැ..අම්ම මට බැන්න මම බොරු කියනව කියල..ඒ ගැන මතක් කරන්නවත් එයාල ඉඩ දුන්නෙ නැහැ..ඒත් මට කවදාවත් ඒ සිද්දිය අමතක උනෙත් නැහැ.......
පස්සෙ කාලෙක මම ටිකක් ලොකුයි එතකොට අවුරුදු 7ක් විතර..ඔය සිද්ධිය මම ආයෙමත් මතක් කලාම අම්ම මාව ලඟට අරන් ගොඩාක් ආදරෙන් මෙන්න මෙහෙම කිව්වා..


''...පුතේ..මේක හොඳට අහගන්න හරි?..ඒ ගෙදර ලොකු අම්මල උන්නෙ මීට ගොඩාක් කාලෙකට කලින්..මටවත් ඔය ගැන මතක නෑ ඒ තරම්..ඒ කාලෙ මම ඉස්කෝලෙ යන ලමයෙක්..මට වයස අවුරුදු 16..ඔයා ඉපදිලා නැහැ..ඔයාගෙ අයියල ඉපදිලත් නැහැ..ඔයාගෙ තාත්තව මම දන්නෙවත් දැකලවත් නැහැ ඒ කාලෙ..ඉතින් ආයෙම ඔය කතාව මතක තියන් කියන්න එපා..ඕක ඇත්තක් නෙවේ..ඔයාට කවුරුහරි කියපු දෙයක් ඇහිල..නැත්නම් ඔයා හීනයක් දැකල තේරුනාද ඔයාට??..''
''..හරි එතකොට ඒ බබාට අන්දවල තිබ්බෙ නිල්ගවුමක් නෙවේද?නිල්සපත්තු දෙකක් නෙවේද?ලොකුඅම්ම කෑගහල ඇඬුවෙ නැද්ද?අම්ම කිව්වෙ නැද්ද ඒ බබාට සනීප නැහැ එයා නිදි කියල?..''
''..ඔව්.ඔව්..හරි..එහෙම තමා..ඒත් පුතේ ඔයා මා එක්ක එදා යන්නෙ කෝමද ඔයා එතකොට ඉපදිලත් නැහැනෙ..මම ගියෙ අපේ අම්මල එක්ක..''
''..එතකොට එහෙනම් කෝමද මම අර සුදු සුදු පාට ගවුමක් ඇඳල රතු සපත්තු දෙකක් දාල අම්මගෙ අතේ එල්ලිලා එහෙ ගියෙ??..''
''..ආයෙ පටන් ගත්ත ආයෙ පටන් ගත්ත...!! ඇති ඇති දැන් නවත්වන්න ඕක...''


ඉතින් එදා ඉඳන් තාමත් ඒ ප්‍රශ්නෙට පිළිතුරක් හොයනව මම..තාමත් මේ දැනුත් මැවිල පේනව ඒ සිදුවීම..චූටිබබා ඇස්දෙක පියාගෙන පෙට්ටියක් ඇතුලෙ..ලොකු අම්මලගෙ ගෙදර සාලෙ මැද්දෙ..නිල්පාට ලස්සන ගවුමක් ඇඳල..නිල් සපත්තු දෙකක් දාල..පෙට්ටිය වටේට මල්..ලොකු අම්ම අඬනවා..මම අම්මගෙ දකුනු අතේ මගෙ අත් දෙකෙන්ම එල්ලිලා ඒ සාලෙට ඇතුල් උනේ..
ඒත් ඒ මම ඉපදෙන්නත් අවුරුදු 15 කට විතර කලින්ලු..


කෝමද එහෙම උනේ..?????




ප.ලි....ලියාගෙන ලියාගෙන ගිහින් මට මහන්සියි..අනිත් සිද්ධිය ඊගාව පෝස්ට් එකේ දාන්නම්..(ඒක නම් මම රකුසටත් කියල තියනව ඒ ඒ ස්ථානත් එක්කම.)

Friday, 4 May 2012

සුභ වෙසක් මංගල්‍යයක් වේවා.....!



හිරු ළඟ අහසේ රුවට පිපීයන්
විල් දිය තුල සැඟවී සැනහීයන්
ආදරයක් නැති මිනිසකු දෑතට
නෙළුමේ නුඹ අසුවන්න එපා.........!!.
(නීලා වික්‍රමසිංහ.) 

Monday, 30 April 2012

චිම්පන්සි ආණ්ඩුව..!!



එක වතාවක් අපි ලංකාවට ගිය වෙලේ සත්තු වත්තට ගියා.. සත්තු බලන්නම නෙවේ නිකම් දවස ගත කරන්න හිතාගෙන..මම, අම්මා, අයියල,මාමලගෙ පුත්තු,තව යාලුවො....
සත්තු වත්තට ඇතුල් වෙලා ටිකකින් අපි නතර උනේ අර චිම්පන්සි ඉන්න තැන..ඔයාල දන්නවත් ඇති වාහන නතර කරන තැනට හරිම කිට්ටුවෙන් චිම්පන්සි ඉන්න තැන තියෙන්නෙ....මම සත්තුන්ට ගොඩාක් ආදරේනෙ,වඳුරන්ට,චිම්පන්සියොන්ට විශේෂයි..පොඩි කාලෙ තාත්ත වඳුරු පැටව් ඇති කලා ගෙදර කිහිප වතාවක් මම නිසා..
ඉතින්..ඔන්න අපි චිම්පන්සි ඉන්න තැනට කිට්ටු උනා..එයාල උන්නෙ පහලක අපි උඩ ඉඳන් බලන්න ඕනෙ...එතන උන්න චිම්පන්සි 4 දෙනෙක් (ජෝඩු 2 ක්.)
චිම්පන්සියගෙ ගෑනු සතාට මොකක් කියලද කියන්නෙ?..මම දන්නෙ නැහැ..ඒ නිසා අපි 'චිම්පි කෙල්ල' කියමුකො..අනික මෙයාල මැරි කරල නැහැනෙ ලිවින් ටුගෙදර් නෙ.....:):)
ඉතින් අපි අර තාප්පෙ ගාවට ගිහින් පහල බලද්දි මෙන්න මෙහෙම තමා මම දැක්කෙ....
එක ජෝඩුවක් ටිකක් උස් බිමක ලංවෙලා ඉඳගෙන උන්න..ඒකෙ චිම්පි කොල්ල කෙල්ලට හෙන සයිස් ලෙක්චර් එකක් දෙනව..හෆ්ෆා...!! චිම්පි කෙල්ල ලොකු වැරැද්දක් කලා වගේ ඔලුව පාත් කරන්, කර බාගෙන අහගෙන ඉන්නව..චිම්පි කොල්ල කෙල්ලගෙ උරපත් වලට අත තියාගෙන කියවනව..කම්මුල් වලට අත තියල කියනව..මූණට එබීගෙන කියනව..ඊට පස්සෙ තරහින් කෙල්ලව තල්ලු කරනව..ආයෙත් කෙල්ලව අත්දෙකෙන්ම අල්ලගෙන කියවනව..ඊට පස්සෙ තුරුල් කර ගන්නව..ආයෙමත් කෙල්ලව අත්දෙකෙන් අල්ලල හයියෙන් හොල්ලනව..හෆ්ෆා..එතන එකම ජංජාලයයි...!!!!


ඊගාවට එතනින් පහල උන්නෙ අනිත් කපල් එක..මේකෙ කොල්ල ටිකක් හැඩි දැඩි නපුරු පාටයි..මේ 4 දෙනාගෙන්ම ලොකුම පෙනුමක් තිබුනෙ මෙයාගෙ..මෙයාගෙ එක අතක තිබුනා වතුර ටිකකුත් එක්ක ලොකු ප්ලාස්ටික් බෝතලයක්..අනෙක් අතේ ඒ බෝතලේ මූඩිය..!  (එතන උන්න පිරිමි ලමයි කට්ටියක්..එයාල තමා මේ බෝතලේ චිම්පි කොල්ලට දීල තියෙන්නෙ.)
ඉතින්..චිම්පි කොල්ල වතුර බෝතලේ රස කර කර බොනව..අනේ එයාගෙ චිම්පි කෙල්ල පොඩි දරුවෙක් වගේ ලඟට වෙලා අත්දෙකම දික් කරන් එයාටත් බොන්න වතුර ඉල්ලනව..ඔන්න එකපාරම චිම්ප තල්ලු කරල දැම්ම කෙල්ලව පැත්තකට..!!
දැන් කෙල්ල ආයිමත් චිම්ප ලඟට ගිහින් වැඳ වැටෙනව වගේ..තොල්දෙක උල් කර කර..ඔලුව පැත්තකට හරවගෙන..මොන මොනවද මුමුන මුමුන වතුර ඉල්ලනව..!!
චිම්ප නෙවේ කෙල්ල දිහා හැරිල බලන්නෙ..එයා රස කර කර වතුර එක බොනව..!!
ඊට පස්සෙ චිම්පි කෙල්ල කට උල්කරන් මොනාද කියන ගමන් කොල්ලගෙ වතුර බෝතලේ තිබුන අතින් ඇල්ලුව..
''..පටාස්ස්ස්ස්ස්...''......අනේ කෙල්ලට වැදුන පාරක් වීසිවෙලා යන්න...!!
කෙල්ලටත් ලැජ්ජාවක් නැද්ද මන්ද චුට්ටක් බලන් ඉඳල ආයෙමත් ඔන්න චිම්පට ලං උනා...එතකොට චිම්ප ඔක්කොම වතුර බීල ඉවරයි..! අර අනික් අතේ තිබ්බ මූඩියෙන් ලස්සනට ආපහු වැහුව ඒ හිස් බෝතලේ, දුන්න ඒක චිම්පි කෙල්ලගෙ අතට.......ග් ර් ර් ර් ර් ර් ර්..!!
අනේ කෙල්ල ඒක දෙතුන් පාරක් හරව හරව බලල පැත්තකට විසි කලා...!


එදා ඔය වෙලාවෙ මගෙ අතේ තිබුන ලොකු කොකා කෝලා බෝතලයක්..ඒක මම ගෙදරදි ෆ්‍රීසර් එකේ මිදෙන ගානට කූල් කරල කුල් බෑග් එකක දාගෙන ගිහින් තිබ්බෙ..මම හෙමින් බෝතලේ අතට අරන් චිම්පි කෙල්ලට කතා කලා ෂ්.ෂ්.ෂ්...!! කෙල්ල දුවගෙන ආව මම උන්න තැනම පහලට..දැන් ඔන්න අත්දෙකම දික් කරන් කට උල්කරගෙන මොනාදෝ මුමුනනව.. හිඟන්නියෙක් වගේ කොකා කෝල බෝතලේ ඉල්ලනව...හරියට නිකම් දෙවියන්ගෙන් දෙයක් ඉල්ලනව වගේ........


අපේ අම්ම දැන් දන්නව මම මේක දාන බව පහලට..''..අනේ බුදු අම්මේ එපා..අනේ ඕක නම් දාන්න එපා..එපා එපා..ඔන්න සිකියුරිටි එකෙන් එනව දැන්..අපිව අල්ල ගනීවි...පොලිසි යන්න වෙනව අද නම්...පොඩි පුතේ..! උඩ බලාගෙන ඉන්නෙ උදුර ගන්නව ඔය බෝතලේ..!!..''


එයා කොහෙද මගෙන් දේවල් උදුර ගන්නෙ....මම තද කරල බෝතලේ තුරුල් කර ගත්ත..
ලොකු අයිය උන්නෙ ඊට ටිකක් ඈත එයාගෙ යාලුවොත් එක්ක..එයා එතන උන්න නම් කොකා කෝල බෝතලේ එයාගෙ අතට යන්නෙ මගෙ කනත් එක්කම.....


අම්ම හනිකට හනිකට ගියා ලොකු අයිය ඉන්න පැත්තට..පැමිනිල්ල දාන්නද නැත් නම් අයහපත් තත්වයෙන් මග අරින්නද දෙවියො දනී..!!

අම්ම ගියා දැක්ක විතරයි  කොලු නඩේ කෑගහන්න ගත්තා...
''...නංගී. දාන්න ඕක..''
''...නංගී අරූ ලඟට එන්න කලින් දෙන්න ඕක..''
''...මුඩිය එකපාරක් කරකවල බුරුල් කරල දෙන්න...''
''...පව් නංගී ඕක දෙන්න ..දෙන්න..''


මම චිම්පි කෙල්ල දිහා පහල බැලුවා..අනේ ඒ මූණෙ තිබුනෙ හරිම දුක්මුසු බැගෑපත් පෙනුමක්...හරියට නිකම්...''අනේ මට ඕක දෙන්න..මට ගොඩාක් වතුර තිබහයි..'' කියනව වගේ...
මම ආයෙමත් පොඩි අයිය දියා බලද්දි එයා හෙන සැර පාරක් දැම්ම.''...ඕක දානව නම් දානව.මෙතන ලත වෙවී ඉන්නෙ නැතුව..''


ඕ.කේ.....මම අත ඇරිය කොකා කෝල බෝතලේ පහලට...චිම්පි කෙල්ල ''දඩොග්'' ගාල අත් දෙකින්ම ඒක අල්ල ගත්තා...


ඊට පස්සෙ තමා හොඳම හරිය...!!!!!


රටක් රාජ්‍යයක් ලැබුන වගේ චිම්පි කෙල්ල තව පාරක් මා දිහා බලල බෝතලේ මූඩිය අරින්න කැරකුවා විතරයි..අඩියට දෙකට පැනගෙන ආව අර තඩි චිම්පා..!!


පැනපු ගමන් කෙල්ල අතේ තිබ්බ බෝතලේ උදුර ගත්ත..මූඩිය ගලවල චිම්පි කෙල්ලගෙ අතට දීල,බෝතලේ කටේ තියන් ගිඩි..ගිඩි..ගිඩි..ගාල බොන්න පටන් ගත්ත කොකා කෝල..!!


මම වටපිට බැලුවෙ කවුරු හරි උදව්වට වත් ඒවිද කියල...වටේ උන්න කොලු රැළ පටන් ගත්ත සංස්කෘතික කියන්න.....


''...අඩෝව්..%&&ස්ස්@@//(££!!??..@@££((=?(/&%%...''


''...පෙරේතයා..!! දීපන් ඕක ගෑනිට...%%=))(/$£..??''


හ්ම්ම්ම්ම්ම්ම්..මිනිත්තු 5 ක් යන්න නැතුව ඇති..තඩියා බෝතලේ බිංදුවටම හිස් කලා..ඊට පස්සෙ අහිංසක චිම්පි කෙල්ලගෙ අතේ තිබ්බ මූඩිය උදුරල වගේ අරන් ආයෙමත් තිබුන වගේම අපූරුවට වහල හිස් බෝතලේ කෙල්ලගෙ අතට දුන්න..!!!!


මෙතනින් එහාට මොනා ලියන්නද??????????

Wednesday, 25 April 2012

මෙන්න මෙයා..!! බඹා කෙටූ එක්කෙනා..!!!

පවුලේ අය සමග උන්න පොටෝ එකකින් කපා ගත්ත එකක්..!
(අළු පාට හැන්දෑව..35.)
ඉතින් ඊට පස්සෙ.....එදාම හවස මට සිදු උනා රකුසගෙ ගෙදර අනිත් සහෝදරයින් එක්කත් කතා කරන්න ස්කයිප් මගින්....මහා කාලකන්නි හැඟීමකින් මගෙ හිත පිරිල තිබුනා...ඇත්ත වශයෙන්ම මේ දේවල් මම විහින් මගෙ ජීවිතයට එකතු කර ගත්ත අනවශ්‍ය මට නොගැළපෙන දේවල්...අප්‍රසන්න කාලකන්නි පුද්ගලයෙක්ව මගේ ජීවිතයට ගාව ගැනීමේ අනිටු පලවිපාක මම හිතින් විඳවමින් උන්න......මෙවැනි තත්වයකට හීනෙකින් වත් පත්විය යුතු කෙනෙක් නොවෙයි මම.............


මම යවපු ටී ශර්ට් එකක් ඇඳන් චේන් එකයි ලාවා හාර්ට් එකයි කුරුසෙයි එක්ක.....
මේ එයාගේ කාමරේ කිව්ව..එයාගෙ අල්මාරිය කිව්ව..පස්සෙ දැනගත්තෙ මේක එයාගෙ ගෙදර වත් නෙවේ..!


එදා රකුසව එතෙන්ට කැඳෙව්වාම ඔහුට උවමනා උනේ එතැනින් මග ඇරල පළා යන්නයි..''හරි එන්න අපි දෙන්න විතරක් මේගැන කතා කරමු'' කියල එතනින් පලා යන්න හැදුවත් අනෙක් අය ගෙන් ඊට ඉඩක් ලැබුනෙ නැහැ...එයාල කීවෙ අපි දෙන්නා සියලු දෙනා ඉදිරියෙ කතා කල යුතු බවයි...


ඊට පෙර රකුසා කියා තිබූ ලෙසින්ම එවෙලෙත් කියා සිටියේ ඔහු මා හදුනන්නේ නැති බවයි...(ඒත් මේ වන විට අපි හොඳින් දන්න හඳුනන බවටත්,අපි අතර සම්බන්ධයක් තිබෙන බවටත්,ඔප්පු කිරීමට ඇති තරම් ශාක්ෂි මම ඔහුගේ ගෙදරට යවා තිබුනා.)


තව දුරටත් රකුසා කියා සිටියේ, මා දින 2 ක් පමනක් ඔහු සමග චැට් කර තිබූ කෙල්ලක් බවයි..මා මේ කියන ලද සියලුම දේවල් අසත්‍ය කතා බවත්,මා කියන මේ සියලුම කතා ඔහුගේ බ්ලොග් එකේ ඔහු විසින්  ලියන ලද කතන්දර බවත්,මම ඔහුගේ 'පස්සෙන් එන' කෙනෙක් බවත් ඔහු කියා සිටියා....


එවෙලේ රකුසගෙ අක්ක ඇහුවා කෝමද අම්ම ගැන එහෙම කතාවක් බ්ලොග් එකක ලිව්වෙ කියල..ඔහුට ඒකට පිළිතුරක් හොයා ගන්න බැරි උනා.......


ඔහුගේම පවුලේ සාමාජිකයින්ට මැදිවෙලා කිව්ව එකකට එකක් වෙනස් විශාල බොරු තොගයත්, ඔහුගේම පරස් පර විරෝධී කතන්දරත් නිසා හරිම ලස්සනට ඔප්පු උනා ඔහු විශ්වාස කල නොහැකි තරම් පුදුමාකාර බොරු වංචා කාරයෙක් බව..!!!....මේ බව එතැන සිටි සියල්ලන්ම අවබෝධ කර ගත් බව මට විශ්වාසයි...!!!


මේ අවස්තාවේදී අපි අතර ඇති වූ බහින් බස් වීමේදී ඔහු විසින් ඉතා අසභ්‍ය බොරුවකිනුත් මට දමා ගැසුවා...බොරුකාරයෙක්,වංචාකාරයෙක් පමනකැයි මා මෙතෙක් සිතා සිටි මොහු 'වලත්තයෙකුත්' බව එදා මම තේරුම් ගත්තා.....


රකුස එවෙලෙ කිව්ව බොරු වලින් මාව හිනා ගන්වන්නට සමත් උනේ ඕනම වෙලාවක ඔහු වෙනුවෙන් පෙනී සිට කතා කිරීමට අනුත්තරා එන බව ඔහු පැවසීමයි..''ඕන නම් මම දැන් එයාව එක්ක එන්නම්'' කියා ඔහු පැවසුවාම මට හිනාව නවත්වා ගන්න බැරි උනා....!!!!  (මම මේ සම්බන්ධව වචන කීපයක් අහන්න බලාපොරොත්තු වෙනවා අනුත්තරා අක්කි ගෙන්.)


ඉතින්..මා නොහඳුනන බවත් මගෙන් මුදල් ගත්තේ නැති බවත් කලින් කීප වතාවක් කියා තිබුනත් එවෙලෙ නම් ඔහුට මා ඉදිරියෙ ඒක කියා ගන්න බැරි උනා...අයිය ඇහුවා..''හොඳයි සල්ලි ගත්තද නැද්ද?'' කියල..රකුස එවෙලෙ කිව්ව..''ඔව්.මම සල්ලි ගත්ත.'' කියල......
(ගත්තෙ නැහැ කියල කොපමන කිව්වත් වැඩක් වෙන්නෙ නැහැ බොරුව කලින්ම අහුවෙලා තිබුනෙ...මොකද ඒ ගෙදර අය දැකල තිබ්බ මම කිව්ව විදියටම කිව්ව ගානම රකුසගෙ බැංකු ගිනුමට ඇවිත් තිබුන බව.)


එවෙලෙ මම මෙයාගෙන් ඇහුව...''...ඔයා මා එක්ක දවස් 2 ක් චැට් කලා විතරයි එච්චරද?...''
''...ඔව්...''
''...මගේ එක පොටෝ එකක් විතරක් දැක්ක එච්චරයි?...''
''...ඔව්...''
''...එතකොට එච්චරයි ඔයා මාව දන්නෙත් නැහැ අඳුනන්නෙත් නැහැ?...''
''...ඔව්. එහෙම තමා  මම දන්නෙ නැහැ...''
''...එතකොට කෝමද දන්නෙ අඳුනන්නෙ නැති කෙනෙක් ගෙන් අච්චර සල්ලි ගොඩක් ගත්තෙ?...ආ? කෝමද..??  ඒකද ඔහෙගෙ ජොබ් එක?..''
පිළිතුරු ලැබුනේ නැත..!!!!!!!.


තමාගේම පවුලේ අයට මැදිවෙලා මේක කියන බොරු තවත් අහගෙන ඉන්න මට එතනින් එහාට අවශ්‍ය උනේ නැහැ..මම ඕෆ් උනා..!


එදිනට පසු මේ පුද්ගලයා මට නිතර කරදර කිරීමට පටන් ගත්ත ඔන්ලයින් එන ලෙසත්,කෙසේ හෝ ඔහු සමග කතා කරන ලෙසත් කියමින් ඉල්ලමින් බැගෑපත් වෙමින්.( මේ සියලුම ඊ මේල් මා ගාව සුරක්ශිතව තියනව.)


''...මෙයාව මම දන්නෙ නැහැ අඳුනන්නෙත් නැහැ කියමින් සහෝදරයින් ඉදිරියේ මාව බොරුකාරියෙක් කිරීමට තැත් කරපු මොහු,..''...මෙයා මගෙ පස්සෙන් එනවා...'' කියමින් මාව ලැජ්ජාවට පත් කිරීමට තැත් කරපු ඔහු....දැන් මා පසු පස වැඳ වැටෙමින් එන විලාශය මට මොහු ගැන හිතේ තිබ්බ පිළිකුල තවත් වැඩි කලා......!!


තමුන්ව මේ ලෝකෙට බිහිකල අම්ම මේ ලෝකෙ ඉන්න නරකම නපුරුම ගෑනියි කිව්ව...තමා තාත්තෙක් නැති අවජාතකයෙක් කිව්ව..යාලුවන්ගෙන් නෑයින්ගෙන් පවා 'කාලකන්නියා' කියමින් අපහාස විඳිනවයි කිව්ව..3 වතාවක් මැරෙන්නට ගොස් බේරුන ජීවිත කාලෙම හදවත් රෝගයකින් පීඩා විඳිනවයි කිව්ව...ඒ රෝගයෙන් කොයිම මොහොතක හෝ මිය යන්නට ඉන්නවයි කිව්ව...සතියට 3 පාරක් අසනීප වෙන..මාසෙට 2 පාරක් රෝහල් ගතවෙන...මේ සියල්ලම තියෙද්දිත් සහෝදරයා නිතරම නිවසින් පන්නා දමන්නට තැත් කරන....මේ වගේ ලෝකෙ කොහෙවත් නැති තරම් වාසනාවන්තම පුද්ගලයෙක්ගෙ පස්සෙන් තමා මම ගිහින් තියෙන්නෙ...!!
(..අනේ පව් දෙවියනේ මම..)
ලංකාවෙ වත්,මේ බටහිර යුරෝපාකරේවත්,මේ ලෝකෙ වටේවත් කොන්දක් තියන පිරිමියෙක් හොයා ගන්න බැරි වෙලා මට...!! කෙල්ලෙකුට..ගැහැනියකට ජීවිතේට ඕන කරන දේවල් වලින් මොනාද අඩු මට...මම දන්න තරමින් 'වයස'..!   මට දැනට අඩු වයස විතරයි..!!


ඉතින්...මෙන්න බලන්න යහලුවනේ..යෙහෙළියනේ....මැරීගෙන පනදීගෙන මම පස්සෙන් ගිහින් තියෙන්නෙ මෙන්න මෙයා පස්සෙන්..!! බලන්න ඔය වාසනාවන්ත මූණ පොඩිය....!!!!!


ඔයාලට මොනාද හිතෙන්නෙ..??


මගෙ අයියල දෙන්න කිව්ව කතා මේකෙ ලියන්න බැහැ..අනේ ඔයාලට දුක හිතේවි. :):)

Sunday, 15 April 2012

ඉපදුනෙත් නැතුව මැරුන මල්ලී...!!



මේ මැරුන මල්ලිගෙ පොටෝ එක ලු...ඒත් මේ ඉන්නෙ රකුසමයි පොඩි කාලෙ...
(අළු පාට හැන්දෑව 34.)


එදා රකුසගෙ අයිය කතාව පටන් ගත්තෙ මගෙන් ප්‍රශ්න කරමින්......
''..නංගි,ඔයාද අපේ මල්ලිට අර ජා-ඇල ට පාර්සල් එවන්නෙ..?''
''..ඔව්.අයියෙ..''
''..ඔයාද මල්ලිට ලැප් එකක් ගන්න සල්ලි දුන්නෙ..?''
''..ඔව්.මම තමයි..''
''..එතකොට ඔයාද රස්සාවක් නැතුව ගෙදර ඉන්න එයාට නිතර සල්ලි එවන්නෙ..?''
''..නෑ..නෑ  මම නෙවෙයි..''
ඒ කියන්නෙ එහෙනම් මෙයාට සල්ලි එවන අයත් ඉන්නව මම නොදන්න..හ්ම්ම්ම්...ඒ වගේම මට කවම දාකවත් කියල තිබුනෙ නැහැ එයාගෙ පවුලේ තවත් අයිය කෙනෙක් අක්ක කෙනෙක් ඉන්න බවක්...මාව පුදුමෙනුත් පුදුම කලේ රකුසා රැකියාවක් නොකර ගෙයි කාමරේකට වෙලා දවස ගත කරන කෙනෙක් කිව්වාම......!!!
කියවල නැති නම්  බලන්න මෙයා එයාගෙ රැකියාව ගැන මට කිව්ව දේවල් ටිකක්....
මෙතනින් බලන්න. 1
මෙතනින් බලන්න.2

මනුස්සයෙක් කෝමද මේ තරම් බොරු කියන්නෙ? කාලය වෙලාව සෙට් කරගෙන ලස්සනට රඟ පාන්නෙ??
මේ අතරම වෙන්නප්පුවෙ ජෝශප්වාස් විදුහලේ රකුසගෙම යාලුවො කීපදෙනෙකුගෙන් ලැබුනෙ මාව තව තවත් මවිත කරවන තොරතුරු...!!
රකුස ඉගෙන ගන්න දක්ශයෙක්..පොඩි කාලෙ ඉඳන්ම රකුසගෙ අම්ම තාත්ත එයාට ගොඩාක් ආදරෙන් ඉතාම ඉහලින් සලකල තියනව..විදුහලේ සෑම කරුනකටම අම්ම තාත්ත දෙන්නම සහභාගි වෙලා තියනව.රකුසට වියදම් කරන්න ගෙදරින් ඇති තරම් මුදල් ලැබිල තියනව...ඒත් රකුසට මල්ලි කෙනෙක් නම් ඉඳල නැහැ..කවදාවත් රකුසගෙ ගෙදර මල්ලි කෙනෙකුගෙ ''අවමගුල් උත්සවයක් තිබිලත් නැහැ''....!!!
විශේෂයෙන්ම හිතන්න තිබ්බ වැදගත්ම කාරනාව තමා මේ කියන යාලුවො වත් දැනගෙන උන්නෙ නැහැ ඒ වෙද්දි රකුසට මොකද උනේ කියල..රකුස එකපාරම අතුරුදහන් වෙලා උන්න..සමහරු හිතුවෙ රකුස පිටරටකට ගිහින් කියල..සමහරු හිතා උන්නෙ පිට පලාතක රැකියාවක් කරන බව..ඒත් අල්ලපු ගම්වල උන්න ඒ කිසිම යාලුවෙක් දැනන් උන්නෙ නැහැ රකුස එයාගෙම ගේ ඇතුලෙ කාමරේක හැංඟිලා කරන මේ හැංඟිමුත්තම් සෙල්ලම ගැන..!!!!


ඉතින්..කලින් වතාවෙ අයිය එක්ක කතා කරද්දි මගෙ හිතේ එයා කිව්ව දේවල් ගැන ඒතරම් විශ්වාශයක් තිබ්බෙ නැහැ..ඒකට හේතු උනේ රකුස එයාගෙම අයිය ගැන මගෙ හිතේ මවල තිබ්බ නරක ප්‍රතිරූපය..!!
මේ නිසා රකුස මට කියල තිබුන එයාගෙ පවුලෙ තොරතුරු මම අයිය එක්ක කිව්වෙ වත් ඒවා ගැන එයාගෙන් කිසිම දෙයක් අහන්න වත් ගියෙ නැහැ....


ඒත් රකුසගෙ යාලුවන්ගෙන් දැනගත්ත තොරතුරු අනුව ඒ අයිය ගැන මගෙ හිතේ තිබ්බ සැකය දුරු උනා..ඒ නිසා මම ආයෙම වතාවක් එයාට කතා කලා..එදා මම කිව්ව,මම ඇහුව දේවල් ඒ අයිය නම් විශ්වාස කලේ නැහැ...
''...නංගි, ඔයා කියන ඔය පුද්ගලය අපේ මල්ලි වෙන්න බැහැ..ඔයාට වැරදීමක් වෙලා වගේ..කෝ මට දෙන්න බලන්න ඔයා කියන කෙනාගෙ පොටෝ එකක්...'' පස්සෙ එවෙලෙම මම රකුසගෙ පොටෝ එකක් එයාට පෙන්නුවට පස්සෙ තමා එයා පිළිගත්තෙ ඒ එයාගෙම මල්ලි කියල........
ඒත් ඊගාවට එයා කිව්ව දේවල් මට අදහා ගන්නම බැරි උනා..!!


එයා රකුසගෙන් මා ගැන ඇහුවාම රකුස කියල තිබුනෙ..''මම දවස් දෙකක් විතරක් ඉන්ටනට් එකෙන් චැට් කරපු කෙනෙක් විතරයි මාව දන්නෙත් නැහැ අඳුනන්නෙත් නැහැ..'' කියල,,මගෙන් සල්ලි ගත්තෙ නැතිලු ඒක මගෙ බොරුවක් ලු...!!
( ඒත් ඒ වෙනකොටත් අයිය දැකල තිබුන මම එයාට කිව්ව දින වලම කිව්ව මුදල රකුසගෙ බෑන්ක් එකවුන්ට් එකට ඇවිත් තිබුන බව.)
මාව දන්නෙ අඳුනන්නෙ නැහැයි කිවට පස්සෙ නම් මට සිදු උනා රකුස මට කිව්ව කරපු සියලුම දේවල් අයිය ඉදිරියේ වමාරන්න..!!


ඊට පස්සෙ මම රකුස ගැන දැනගත්ත ඇත්ත තොරතුරු මෙන්න..!!!.


අර මැරුනා කිව්ව මල්ලියෙක් කවදාවත් ඒ පවුලෙ නම් ඉපදිලා තිබුනෙ වත් නැහැ..!
මල්ලිගෙ මරනයෙන් පසු අවුරුදු 12 ක් පුරාම අර කලා කිව්ව දාන මාන පූජා..විශේෂයෙන් ඒ පෙබරවාරි මාසෙ අනාථ නිවාසෙකට කරපු පොත් ප්‍රධානය..පල්ලියෙ පූජා..මුල්ම පඩියෙන් මල්ලිගෙ සොහොනට කුරුස හදපුව..මේවා ඔක්කෝම බොරු පට්ට පල් බොරු...!!!


මෙතනින් බලන්න තවත් බොරු..!!



මල්ලි සෙල්ලම් කරද්දි වැටිල නහයෙන් ලේ ඇවිත් හොස්පිටල් එකේ සිහි නැතුව දින 3 ක් ඉඳල සිහි ආවාම පලුමුවෙන්ම ඇහුවෙ රකුසවලු..''කෝ මගෙ චූටි අයිය කිව්වලු..'' ඊට පස්සෙලු ආයෙමත් සිහි නැතිවෙලා ඉඳල මැරුනෙ..දෙන්න නිදා ගත්තෙ එකම ඇඳේලු තාම මල්ලි නිදා ගත්ත කොට්ටෙ ඇඳේ අනිත් පැත්තෙ තියනවලු..කාටවත් වෙනස් කරන්න දෙන්නෙ නැතුව...අනේ මට උන්නෙ එයා විතරයි..අද එයා උන්න නම් මට මෙහෙම වෙන්නෙ නැහැ..අද එහෙනම් ලොකු කොල්ලෙක්.කෙල්ලෙකුත් යාලු කරන්..අනේ මට මේ ලෝකෙ උන්න එකම හිතවතා මට නැති උනා කිය කිය රකුස අඬපු තරම් දන්නෙ මමයි අනුත්තරයි විතරයි..අනුත්තරාට යවල තිබ්බ මල්ලිගෙ පොටෝ එකක් ඒකෙ මල්ලිගෙ නම ''සජිත්''.මටත් ඒකම එවල තිබුන ''මගේ පන'' කියල ලියල...(ඔය උඩින් තියෙන්නෙ ඒ පොටෝ එක..!!) ඒත් දෙවියනේ මේ අපිට එවල තියෙන්නෙ රකුසගෙම පොඩි කාලෙ ගත්ත පොටෝ එකක්...!!!!


මට මැවි මැවි පෙනුන රකුස කිව්ව හැටි..''...මල්ලි මැරුනට පස්සෙ දුක දරා ගන්න බැරුව තාත්ති අයියවයි අම්මිවයි අරන් ඉන්දියාවට ගියා..මාව ලොකුඅම්ම ගාව දාල..මාස 3ක් ඉන්දියාවෙ උන්න අම්මි එක ටෙලිපෝන් කෝල් එකක් දීල මම ඉන්නවද මැරුනද කියල හොයල බැකුවෙ නැහැ..මාව අනාතයෙක් වගෙ අත ඇරල දැම්ම..මම තනි උනේ ඊට පස්සෙ මට කතා කරන්න බැරුව ගියා..ඊට පස්සෙ එයාල ලංකාවට ආවාම අම්මි කිව්ව තවත් ඒ ගෙදර ඉන්න බැහැ කියල පස්සෙ තමා අපි මේ අලුත් ගේ අරන් මේකට පදිංචියට ආවෙ..''...හප්පා...ෂාරුක් ඛාන්ට බැහැ ඒතරම් ලස්සනට අඬන්න..!!!!!!


එතකොට අර හදවත් සැත්කම් හදවතේ තිබ්බ භයානක ලෙඩේ...මැරෙන්න ගිහින් 3 පාරක්, හදවත ඔපරේශන් කරපු එක ..මේවා ඔක්කෝම අමූලික පට්ට පල් බොරු..!! මේ මිනිහට ඒ වගේ කිසිම අසනීපයක් තිබිලත් නැහැ දැනට ඇත්තෙත් නැහැ..!!!!


අර කොම්පැණි එකේ ඔක්කෝම වැඩ බලන්නෙ මෙයාලු..ලොකු ලොකු කතා..බෝඩ් මීටින්..ලක්ශ ගනන් සල්ලි..බිස්නස් ට්‍රිප්ස්..ඉන්දියා ගමන්..මේ ඔක්කෝම බොරු..!! මෙයා ඉන්දියාව තියා කොලඹට වත් හරියට ගිහින් තියන කෙනෙක් නෙවේලු..!!.කිසිම රස්සාවක් නැතුව අහිංසක තාත්තගෙ පැන්ශන් මුදලින් ගෙදරට වෙලා කකා බිබී නිදාගෙන ඉන්න මෙයාට මොන ලොකු ලොකු කොම්පැණිද??මොන පිටරට බිස්නස් ට්‍රිප්ස් ද??  මේවා ඔක්කෝම හෙන හත ගහන බොරු කෙල්ලො රවට්ට ගන්න කියපු...!!!!


මෙයා ඉතාම කම්මැළි රස්සාවක් කරන්න කැමති නැති පුද්ගලයෙක්..!!!


යාලුවො කිව්ව වගේම අයියත් කිව්වෙ රකුසව එයාලගෙ අම්ම තාත්ත හරිම ආදරෙන් කිසිම දුකක් නොදී පොඩිකාලෙ ඉඳන්ම හැදුවෙ කියල..එයාගෙම වචන වලින් කියනවා නම්...''අම්මල මලක් වගේ මල්ලිව හැදුවෙ පොඩි කාලෙ ඉඳන්ම..''


රකුස කිව්ව විදියට ඒ අයියයි රකුසයි අතර කිසිම ආරවුලක් කවදාවත් ඇතිවෙලා තිබ්බෙ නැහැ..අයිය රකුසට ගෙදරින් යන්න කියලත් නැහැ..!!


අර මට පොටෝ ගහල එව්ව ලස්සන ගේ රකුසගෙ නෙවේ..එයාගෙ කියල පෙන්නපු බයික් එක එයාගෙ නෙවේ..එයාගෙ කිව්ව ලැප්ටොප් එක එයාගෙ නෙවේ..එතකොට මේවා ඔක්කොම වික්ක කිව්වනෙ ඔෆිස් එකේ ණය බේරන්න....!!!


මේවා එකින් එක දැනගන්නකොට මගේ ඉවසීමේ සීමාව මටත් හොරා ගොඩාක් ඈතට ගිහින් රහසක් වශයෙන්ම තියන් ඉන්න හිතන් උන්න අර ''අවජාතක කතාව'' ඉබේම මගෙ කටින් එලියට පැන්නා..!!


''...එතකොට අයියෙ මෙයා මට කිව්ව ඔයාලගෙ අම්ම ඔයා පොඩි කාලෙ..............................................................................................................................ඒක ඇත්තක්ද???????...''


මගේ ඒ කතාව අහල ඒ අයිය පිස්සෙක් උනා...!!!!


උපදින්නටත් පෙර ඉඳන් දුක් විඳල තමුන්ව හදා වඩා ගත්ත අම්මෙක් ගැන ඒ වගේ හෙන 7 ක් එකපාර වදින බොරුවක් තමුන්ගෙම එක ලේ ඇතුව එක්කුසේ උපන් සහෝදරයගෙ කටින් කිව්ව කියන එක පුතෙකුට දරා ගන්න බැහැ...කවදාවත් බැහැ...ඒ වෙලාවෙ ඒ අයියගෙ කටින් පිට උන වචන මම මේකෙ ලියන්නෙ නැහැ.....ඒත් අන්තිමට එයා මෙහෙම කිව්ව....


''...අනේ මේක දැන ගත්තොත් මගෙ අහිංසක අම්මගෙ පපුව පැලිල මැරෙනවා...''.....!!!.

Saturday, 7 April 2012

නිදහසේ නිවාඩුවක්...!!



(අළු පාට හැන්දෑව 33.)


''...අපේ අම්ම කෝමද ඔයාලගෙ අයව දන්නෙ?? මේක නම් හෙන කෙබරයක් ඔයාගෙ !!...''
මම කිව්වාම රකුසට හොඳටම තද උනා....මට බැනගෙන බැනගෙන ගියා...මට චෝදනා කලා..මට අපහාස කලා මමලු ඒක කෙරෙව්වෙ අපේ අම්මට කියල...ඇයි දෙවියනේ මම දන්නවද එයාගෙ ගමවත් අඩුම ගානෙ? දවසක් අය්යගෙ නම මොකක්ද කියල ඇහුවාමත් රකුස කිව්වෙ හෙන කෙබරයක්...!
''...හා හොඳයි දැන් මොකක්ද වෙලා තියෙන්නෙ? අම්ම මොනාද කියල තියෙන්නෙ අය්යට..?''
''...මම දන් නෑ..අය්ය මට කිව්ව '---' කියල ගර්ල් කෙනෙක්ගෙ අම්ම කතා කලා..මගෙන් ඇහුවා කවුද '---'කියන්නෙ කියල...''
''...ඉතින්..?''
''...ඉතින් මම කිව්ව මම එහෙම කෙනෙක්ව දන්නෙ නැහැ කියල...''
''...ආහ් ! එහෙමද? එතකොට එහෙනම් දැන් ඔයාට තියන ප්‍රශ්නෙ මොකක්ද..?''
''...ඔයාගෙ අම්මට කියන්න මා එක්ක කතා කරන්න කියල අපේ ගෙදර අය එක්ක කතා කරන්න එපා කියන්න...''
(ඒ කියන්නෙ මාව තැම්බුව වගේම මගේ අම්මවත් තම්බල බේරෙන්න හිතල වෙන්න ඇති..හික්ස්..!)
''...හරි කෝ මට දෙන්නකො ඔයාගෙ අයියගෙ පෝන් නම්බර් එක..මම අයිය එක්ක කතා කරන්නම්...''
''...නෑ නෑ ඒක දෙන්න බැහැ..ඔයා ඔයාගෙ අම්මට කියන්න කතා කරන්න එපා කියල..මට දැන් මේ ගෙදරින් යන්න වෙලා තියෙන්නෙ..මාව එලවනව යන්න කියල..ඔයා මට මේ දේ කලේ..මේකනෙ කරන්න ඕන වෙලා තිබ්බෙ නේද?...''


අම්ම මා එක්ක ඒ සම්බන්ධව එක වචනයක් කතා කලේ නැහැ..කතා කලා නම්,බැන්න නම් ,මට ගැහුව නම්,ඒක ඉවස ගන්න පුලුවන් මේ නිහඬ බවට වඩා..මට අම්මට මූණ දෙන්න බැරි බවක් දැනුනා..ලොකු වරදක් කරල අහුනාම ඇතිවන භය,ලැජ්ජාව වගේම අම්මලාව රැවටීම මට දරා ගන්න බැරි උනා....
ඒ වගේම ප්‍රශ්න දහසක් එක්ක කෝමද කල් ගෙවන්නෙ? අම්මල මේක දැනගත්තෙ කෝමද..කොයිතරම් දුරට මේවා ගැන දන්නවද..ඇයි මගෙන් අහන්නෙ නැතුව එහෙම කලේ?..


හදිසියෙම මට මතක් උනේ..මගෙ අල්මාරිය..!!!!


හරි ඒක තමා..අම්ම මගෙ රෙදි අල්මාරිය ඇරල ඔක්කෝම අවුස්සල තිබුනා..මගෙ අල්මාරියෙ තිබුන ලස්සන හිස් චොක්ලට්ස් පෙට්ටියක්..ඒකෙ මම අරන් තියල තිබ්බ මට වැදගත් කියල හිතින පොඩි පොඩි දේවල්..රකුසට යැව්ව හැම දේකම ගත්ත බිල්ස් රෙසිප්ට්ස් ඒ ගත්ත දේවල් වල එල්ලල තිබ්බ ලස්සන බැජ් වගේ දේවල් ඔක්කොම ඒකෙ තිබුන..ඒ බිල් වලට ගෙවල තිබුනෙ පොඩි පොඩි ගනනුත් නෙවේනෙ..ඒ එක්කම පාර්සල් තැපෑලට දාපු රෙජිස්ටර් බිල්ස්..ඒ එක්කම රකුසට අර මුදල් යැව්ව ට මට ලැබුන කුවිතාන්සියත් ඒකෙ තිබුන..තව මොනාද කතා...අම්ම ඒ ඔක්කොම අත් අඩංගුවට අරන් තිබුන...හැබැයි රකුසගෙ ලිපිනය තිබුනෙ නම් ජාඇල තැනක...
මම බලන් උන්න උන්න මේ ගැන මගෙන් අහන පාටක් නැහැ දිනෙන් දිනම මගෙ භයත් කුතුහලයත් වැඩි උනා..මෙයාල මට හොරෙන් මොකක්ද කරන්නෙ යන්නෙ කියල..අන්තිමේදි මම ම තීරනය කලා මේ ගැන අම්මගෙන් අහන්න....


මගේ දේවල් ඇවිස්සුවෙ ඇයි කියල බොරු තරහක් මවාගෙන මම අම්මගෙන් ඇහුව ඇයි මගෙ අල්මාරිය ඇවිස්සුවෙ කියල..ඔන්න එවෙලෙ තමා යුද්ධෙ පටන් ගත්තෙ...!!!


යුද්ධෙ එවෙලෙට අවසන් උනේ මම ගේ දෙවනත් වෙන්න කෑගහල ඇඬීමෙනුත් අම්මගේ තර්ජන ගර්ජන සමගම අය්යලා සමග මේ බව කතාකොට නීතිමය තීරනයක් ගන්නා බවත් අම්මා තරයේම පවසා සිටීමෙන් පසුවයි.....


ඒ අවස්තාවෙ අම්ම කිව්ව දෙයක් මට තදින්ම හිතට වැදුනා....''...අඩුම ගානෙ රස්සාවක් වත් නැති එකෙක්ලු...''
''...ඈහ් ! රස්සාවක්  නෑහ්?...'' මට ඒක විශ්වාස කරන්නම බැරි උනා..!!
''...ඔව් ඇයි ඉහල තැනක ලොක්කෙක් කියලද රවට්ට ගත්තෙ...?''
එතනින් එහාට ම්ම කතා කලේ නැහැ..මට කතා කරන්න දෙයක් ඉතුරු වෙලා තිබුනෙත් නැහැ..ඉදිරි දින වල අයියල දෙන්න ගෙදර එන්නට නියමිතව තිබුන සමර් නිවාඩුව සඳහා..මට ඉතාම නොසන්සුන් කාලයක් උදාවෙමින් තිබුනා......


රකුස එකපාරම ඔන්ලයින් ඇවිත් හරිම සතුටින් කිව්ව ''...මට නෙට් හම්බ උනා ඔන්න අද ඉඳන් මට එන්න පුලුවන් වෙනදා වගේ...'' කියල.මෙච්චර කාලයක් හැංගිලා ඉඳන් මේ එක පාරම මතු උනේ වෙන මොනාටවත් නෙවේ ආයෙමත් බොරු මල්ලක් ඇදබාල මාව රවට්ටගෙන අපේ ගෙදරින් බේරෙන්නයි මේ හදන්නෙ කියල මට තේරුනා..


මම ඒ උගුලට නම් අහු උනේ නැහැ..!!!! 


අයියල ආවට පස්සෙ, ලොකු අයියගෙ ලොකු දොස් මුරයකට මුහුණ දෙන්න සිදු උනා මට...මම නොදන්න දේවල් එයාල දැනගෙන උන්න.  ''...ඔය මිනිහා තාම ඔයා එක්ක කතා කරනවද?...''  මම කිව්ව ''නැහැ'' කියල........
ඉතාම පෞද්ගලික හේතු කීපයක් මත..රකුසා සම්බන්ධව මගේ අම්මගේත් අයියලාගේත් කතා,අදහස්,තීරණ සහ ඉදිරි කටයුතු සම්බන්ධයෙන් මේ බ්ලොග් එකේ කිසිවක් ලිවීමට නොහැකි වීම ගැන මගෙ කණගාටුව පළකරනව..තාමත් අවසන්වී නැති මේ දේවල් ගැන ඔයාලට නොවරදවාම ඉදිරි කාලයෙදි කියන්නම්.


ඉතින්...හැම අවුරුද්දක වගේම ගිය අවුරුද්දෙත් අපි 4 දෙනා සමර් නිවාඩුවට පිටත් උනා..හොර පූසියෙක් වගේ කුරුමාණම් අල්ල අල්ල උන්නත් අම්මගෙන් රකුසගෙ ගෙදර ටෙලිපෝන් අංකය හොරකම් කර ගන්න..ඒත් අම්මගෙ දින පොතට රිංගන එක කොහෙත්ම කර ගන්න බැරි උනා....


මේ නිවාඩුව ගත්ත කරන්න පිටත් වෙලා ගිහින් දින කීපයක් ඇතුලත එක දවසක් රකුසා මා එක්ක කතාවට ආවාම මම එවෙලෙ රකුසව මගෙ ලැප් එකේ එයා උන්න හැම තැනකින්ම බ්ලොක් කරල අහකට දැම්මා..ෆේස් බුක් එකේ තිබ්බ අපේ රිලේශන් ෂිප් එක පවා එවෙලෙ අහක් කරල දැම්ම..මගෙ පවුලෙ අයත් එක්ක සැණසීමෙන් ඒ නිවාඩුව ගත්ත කරන්න ඕන නිසා රකුසව ආයෙ නොපෙනෙන්නම මගෙ ලැප් එකෙන් මගෙ ජීවිතෙන් අහකට වීසි කලා......!!

සමර් නිවාඩුව නිම වෙලා අපි ආපසු ගෙදර ආව අයියල දෙන්න එයාලගෙ රැකියාවල් වලට පිටත් උනා..දවසක් අම්ම බාත් රූම් එකේ ඉන්න වෙලාවෙ මම හෙමින්ම අම්මගෙ ඩයරිය පිටු පෙරලන්න ගත්ත..අම්ම රකුසගෙ ගෙදරට කතා කලා කිව්ව දින වල ඩයරියෙ පිටු දෙකක් මැද තිබුන පොඩි කොල කෑල්ලක රකුසගෙම වාසගමත් එක්ක වෙන නමක් එක්ක දුරකතන අංකයක්..මම ඒක අතේ ලියාගෙන හෙමින් මාරු උනා.......


සැප්තෙම්බර් මාසෙ මට අලුත් රැකියාවක් ලැබුනා.. අම්ම වැඩ කරන ආයතනයේම වෙනත් අංශයක..කලින් රැකියාවට වඩා වැඩි වැටුපක් ලැබුනත් කලින් තිබ්බ ඒ නිදහස නම් අම්මගෙන් මට ලැබුනෙම නැහැ..


සති කීපයක් පුරාම අවස්ථාවක් හොය හොය උන්න මම දවසක් අර දුරකථන අංකයට ඇමතුමක් ගත්තෙ බියෙන් ගැහි ගැහි..ලංකාවෙන් පිළිතුරු දුන්නෙ රකුසගෙ අයිය..


මම අපේ ගෙදර අම්ම අයියලගෙ පෞද්ගලිකත්වය රකිනවා වගේම රකුසගෙ පවුලෙ අයගෙත් පෞද්ගලිකත්වය  හෙලිකරන්නවත් මගෙ මේ කතාවෙන් කිසිම අයුරකින් එයාලට අපහාසයක් අසාධාරනයක් වෙන විදියෙ දේවල් ලියන්නවත් මගෙ බ්ලොග් එක පාවිච්චි කරන්නෙ නැහැ...මේක මාත් රකුසත් අතර ප්‍රශ්නයක් විතරයි...!!


ඉතින්...ඒ අයියත් එක්ක කතා කල මුල් දවසෙම මාව තුශ්නිම්භූත උනා...මාව කරකවල කරකවල අත් ඇරිය වගේ උනා...මාව ජීවිතේ කවදාවත් නැති තරම් කම්පනයකට පත් උනා....!!!!


අනේ මම හරියට අසරණ උනා..!!!!